ഹൊറർ ത്രില്ലറുമായി പ്രഭുദേവയെത്തുന്നു…കാർത്തിക് സുബ്ബരാജ് ചിത്രം ‘മെർക്കുറി’യുടെ ട്രെയ്‌ലർ കാണാം

കാർത്തിക് സുബ്ബരാജ് രചനയും സംവിധാനവും നിർവ്വഹിക്കുന്ന ത്രില്ലർ ചിത്രം ‘മെർക്കുറി’യുടെ ട്രെയ്‌ലർ  പുറത്തിറങ്ങി. 1992 ൽ മെർക്കുറി വിഷബാധയേറ്റ് മരിച്ചവരുടെ കഥ പറയുന്ന മെർക്കുറി ഒരു സൈലന്റ് ത്രില്ലർ ഗണത്തിൽ [പെടുന്ന ചിത്രമാണ്. റെഡ്ഢി,ദീപക് പരമേശ്‌, അനിഷ് പദ്മൻ,ശശാങ്ക്, രമ്യാ നമ്പീശൻ എന്നിവരാണ് ചിത്രത്തിലെ നായക കഥാപാത്രങ്ങളെ അവതരിപ്പിക്കുന്നത്. സൂപ്പർ താരം  പ്രഭുദേവ പ്രതിനായക വേഷത്തിലെത്തുന്ന ചിത്രത്തിന്റെ സംഗീത സംവിധാനം നിർവഹിക്കുന്നത് സന്തോഷ് നാരായണനാണ്.
പെൻ സ്റ്റുഡിയോസും സ്റ്റോൺ ബെഞ്ച് ഫിലിംസും ചേർന്നാണ് ചിത്രം നിർമ്മിക്കുന്നത്. ഇരൈവി എന്ന ചിത്രത്തിനു ശേഷം കാർത്തിക്ക് സുബ്ബരാജ് ഒരുക്കുന്ന ചിത്രത്തിന്റെ ആക്ഷൻ രംഗങ്ങൾ സംവിധാനം ചെയ്തിരിക്കുന്നത് അൻപറിവാണ്. ഏപ്രില്‍ 13നാണ്ചിത്രം റിലീസ് ചെയ്യും.