ലൈവായി ആടിനെ ഗ്രിൽ ചെയ്യാൻ ഫിറോസിനൊപ്പം മിഥുനും; ഒപ്പം ഒരു സർപ്രൈസും…
പാചകകലയിലെ മലയാളികളുടെ പ്രിയപ്പെട്ട താരമാണ് ഫിറോസ് ചുട്ടിപ്പാറ. വ്യത്യസ്തമായ രുചികളുമായി മലയാളികളുട തീൻ മേശയിൽ രുചി വിളമ്പാൻ എത്തുന്ന ഫിറോസിനെ കാണാൻ എത്തിയിരിക്കുകയാണ് മലയാളികളുടെ പ്രിയതാരം മിഥുൻ രമേശ്. മിഥുൻ രമേശ് നായകനായി എത്തുന്ന ഏറ്റവും പുതിയ ചിത്രമാണ് ‘ജിമ്മി ഈ വീടിന്റെ ഐശ്വര്യം’. സിനിമയുടെ പ്രമോഷന്റെ ഭാഗമായാണ് മിഥുനും അണിയറപ്രവർത്തകരും യുട്യൂബിൽ വൈറലായ ഫുഡ്ബ്ലോഗർ ഫിറോസിനെ കാണാൻ എത്തിയത്.
ആടിനെ ലൈവായി ഗ്രിൽ ചെയ്യുന്നതും വിഡിയോയിൽ കാണുന്നുണ്ട്. വ്യത്യസ്തമായ ഈ പ്രമോഷനെ അഭിനന്ദിച്ച് നിരവധി ആളുകളും എത്തുന്നുണ്ട്. മിഥുൻ നായകനായി എത്തുന്ന ചിത്രം ഡിസംബർ ആറിന് തിയേറ്ററുകളിൽ എത്തും.
രാജു ചന്ദ്രയാണ് ചിത്രത്തിന്റെ സംവിധാനം നിര്‍വഹിക്കുന്നത്. അദ്ദേഹം തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നതും. ദിവ്യ പിള്ളയാണ് ചിത്രത്തില്‍ നായിക കഥാപാത്രമായെത്തുന്നത്. ചിത്രത്തിൽ ജിമ്മി എന്ന കഥാപാത്രമായാണ് മിഥുൻ എത്തുന്നത്. ജിമ്മി എന്നു പേരുള്ള ഒരു നായയും ചിത്രത്തില്‍ എത്തുന്നുണ്ട്. പൂര്‍ണ്ണമായും ദുബായിലാണ് സിനിമയുടെ ചിത്രീകരണം.
Read also: കുതിച്ചുയർന്ന് കാർട്ടോസാറ്റ്- 3; വാനോളം അഭിമാനത്തിൽ ഇന്ത്യ
ഗോള്‍ഡന്‍ എസ് പിക്‌ചേഴ്‌സിന്റെ ബാനറില്‍ സിനോ ജോണ്‍ തോമസ്, ശ്യാം കുമാര്‍ എസ് എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം നിര്‍വഹിക്കുന്നത്. സുരാജ് വെഞ്ഞാറമൂട്, ഹരീഷ് കണാരന്‍, ജോയ് മാത്യു, ഇടവേള ബാബു, ജോണി ആന്റണി, നിര്‍മല്‍ പാലാഴി, സുനില്‍ സുഗത, ശശി കലിംഗ, സുബീഷ് സുധി, നിസാം കാലിക്കറ്റ്, ശ്രീജ രവി, വീണ നായര്‍, നിഷ മാത്യു തുടങ്ങിയവരും ചിത്രത്തില്‍ കഥാപാത്രങ്ങളായെത്തുന്നുണ്ട്.
