നീർനായയ്ക്ക് ഭക്ഷണം നീട്ടി യാത്രക്കാരി; അടിച്ചുമാറ്റി കൊക്ക്, രസകരം ഈ വീഡിയോ
സ്ഥലങ്ങൾ സന്ദർശിക്കാൻ എത്തുന്ന വിനോദസഞ്ചാരികൾ പക്ഷികൾക്കും മൃഗങ്ങൾക്കുമൊക്കെ ഭക്ഷണം നൽകുന്നത് ഒരു സ്ഥിരം കാഴ്ചയാണ്. അത്തരത്തിൽ നീർകാക്കയ്ക്ക് നൽകിയ ഭക്ഷണം അടിച്ചുമാറ്റി കഴിക്കുന്ന ഒരു കൊക്കിന്റെ രസകരമായ ദൃശ്യങ്ങളാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്.
ഫ്ലോറിഡയിലെ സീ വേൾഡ് ഓർലാന്റോ സുവോളജിക്കൽ പാർക്കിലാണ് ഈ രസകരമായ സംഭവം നടന്നത്. പാർക്ക് സന്ദർശിക്കാൻ എത്തിയ ഒരു വ്യക്തിയാണ് ഈ ചിത്രങ്ങൾ പകർത്തി സമൂഹമാധ്യമങ്ങളിൽ പങ്കുവച്ചത്.
പാർക്കിനടുത്ത് നിൽക്കുന്ന നീർനായയ്ക്ക് ഒരു വ്യക്തി ചെറിയ മത്സ്യത്തെ കഴിക്കുന്നതിനായി നീട്ടുന്നതും പറന്നുവരുന്ന ഒരു കൊക്ക് ഇതിനെ പിടിച്ച് കഴിക്കുന്നതുമാണ് ദൃശ്യങ്ങളിൽ കാണുന്നത്. നിരവധിയാളുകളാണ് ഈ വീഡിയോ കണ്ടിരിക്കുന്നത്. രസകരമായ ഈ വീഡിയോയ്ക്ക് നിരവധി കമന്റുകളും സമൂഹമാധ്യമങ്ങളിൽ പങ്കുവയ്ക്കപ്പെടുന്നുണ്ട്.
അടുത്തിടെ കൊക്കിന്റെ ഇരയെ അകത്താക്കുന്ന പരുന്തിന്റെ ദൃശ്യങ്ങളും സമൂഹമാധ്യമങ്ങളിൽ വൈറലായിരുന്നു. മനുഷ്യരെപോലെത്തന്നെ മൃഗങ്ങളും പക്ഷികളുമൊക്കെ സൂത്രശാലികൾ ആണെന്നാണ് പലരും അഭിപ്രായപ്പെടുന്നത്.
