ഇതല്ല ഇതിനപ്പുറം ചാടികടക്കും ഞാൻ; മതിൽ ചാടിക്കടന്ന് ഒരു ആന, വൈറലായി ചിത്രങ്ങൾ

കൗതുകകരമായ പല ചിത്രങ്ങളും വീഡിയോകളും സമൂഹമാധ്യമങ്ങളിൽ വൈറലാകാറുണ്ട്. ഇപ്പോഴിതാ മതിൽ ചാടിക്കടക്കാൻ ശ്രമിക്കുന്ന ഒരു ആനയുടെ ചിത്രങ്ങളാണ് സമൂഹമാധ്യമങ്ങളിൽ വൈറലാകുന്നത്.

ഏകദേശം അഞ്ചടി ഉയരമുള്ള മതിലാണ് ആന ചാടിക്കടക്കുന്നത്. അതേസമയം മാങ്ങ പറിക്കാനായാണ് ആന മതിൽ ചാടികടക്കുന്നതെന്നാണ് ചിത്രങ്ങൾ പങ്കുവെച്ചവർ പറയുന്നത്. എന്തായാലും തന്റെ മുന്നിലുള്ള പ്രതിസന്ധിയെ ചാടിക്കടന്ന ആനയ്ക്ക് മികച്ച പ്രതികരണങ്ങളാണ് സമൂഹമാധ്യമങ്ങളിൽ നിന്നും ലഭിക്കുന്നത്. സാംബിയയിലെ ഒരു സഫാരി പാർക്കിലാണ് സംഭവം.

അതേസമയം പഴുത്ത ചക്ക പറിക്കാൻ എത്തിയ ഒരു ആനയുടെ ചിത്രങ്ങളും വീഡിയോകളും നേരത്തെ സമൂഹമാധ്യമങ്ങളിൽ വൈറലായിരുന്നു.