ഡോ. പുതുശ്ശേരി രാമചന്ദ്രൻ അന്തരിച്ചു

മലയാളത്തിന് നിരവധി സംഭാവനകൾ നൽകിയ കവിയും ഭാഷാ ഗവേഷകനുമായ ഡോ. പുതുശേരി രാമചന്ദ്രൻ അന്തരിച്ചു. 92 വയസായിരുന്നു. തിരുവനന്തപുരത്ത് വച്ചായിരുന്നു അന്ത്യം.

എഴുത്തച്ഛൻ പുരസ്കാരം ഉൾപ്പെടെ നിരവധി പുരസ്കാരങ്ങൾ അദ്ദേഹത്തെ തേടിയെത്തിയിട്ടുണ്ട്. ഗ്രാമീണ ഗായകൻ, ഈ വീട്ടിൽ ആരുമില്ലേ, എന്റെ സ്വാതന്ത്ര്യ സമര കവിതകൾ, പുതുശേരി കവിതകൾ എന്നിവയാണ് അദ്ദേഹത്തിന്റെ പ്രശസ്ത കവിതകൾ.

1999- ൽ കേരള സാഹിത്യ അക്കാദമി അവാർഡ്, 2005- ൽ കേന്ദ്ര സാഹിത്യ അക്കാദമി അവാർഡ്, 2008- ൽ കുമാരനാശാൻ അവാർഡ്, 2008- ൽ തന്നെ വള്ളത്തോൾ പുരസ്‌കാരം, 2009- ൽ കേരള സാഹിത്യ അക്കാദമി വിശിഷ്ടാംഗത്വം, 2014- ൽ കേന്ദ്ര സാഹിത്യ അക്കാദമിയുടെ ഭാഷാസമ്മാൻ തുടങ്ങി നിരവധി അവാർഡുകൾ അദ്ദേഹത്തെ തേടിയെത്തിയിട്ടുണ്ട്.