കുട്ടി സൈനബയായിവന്ന് പാട്ടുവേദിയുടെ മനംമയക്കി മേഘ്‌നക്കുട്ടി
ആലാപനത്തിലെ മാധുര്യം കൊണ്ടുമാത്രമല്ല മേഘ്‌നക്കുട്ടി പ്രേക്ഷകരുടെ പ്രിയപ്പെട്ട ഗായികയായി മാറുന്നത്..മേഘ്‌നക്കുട്ടിടെ കുട്ടിവർത്തമാനങ്ങളും കുസൃതികളുമൊക്കെ പ്രേക്ഷകർ ഏറ്റെടുത്തതാണ്. പ്രേക്ഷകരുടെ ഇഷ്ടഗാനവുമായി ഓരോ തവണയും വേദിയിലെത്തുന്ന ഈ കുട്ടിഗായിക രസകരമായ വർത്തമാനങ്ങളിലൂടെ പാട്ടുവേദിയുടെ മനംകവരാറുണ്ട്. ഇപ്പോഴിതാ കുട്ടി സൈനബയായി എത്തി വീണ്ടും ടോപ് സിംഗർ ആരാധകരുടെ ഹൃദയം കീഴടക്കുകയാണ് ഈ കൊച്ചുസുന്ദരി.
‘പാലാണ് തേനാണ് എൻ ഖൽബിലെപ്പൈങ്കിളിക്ക് പഞ്ചാരക്കുഴമ്പാണ് നീ എൻ സൈനബാ..’എന്ന പഴയകാല ചലച്ചിത്രഗാനമാണ് മേഘ്‌നക്കുട്ടി ഇത്തവണ പാട്ടുവേദിയിൽ ആലപിച്ചത്. ‘ഉമ്മ’ എന്ന ചിത്രത്തിലേതാണ് ഈ ഗാനം. പി ഭാസ്‌കരന്റെ വരികൾക്ക് എം എസ് ബാബുരാജ് സംഗീതം നൽകി എംഎം രാജ ആലപിച്ചതാണ് ഈ ഗാനം.
ആലാപന മാധുര്യം കൊണ്ട് പാട്ട് വേദിയെ വിസ്‍മയിപ്പിക്കുന്ന കൊച്ചു ഗായക പ്രതിഭകളാണ് ടോപ് സിംഗർ വേദിയിൽ മാറ്റുരയ്ക്കാൻ എത്തുന്നത്. പാട്ടിനൊപ്പം നൃത്തവും സ്കിറ്റുകളുമൊക്കെയായി അസുലഭ നിമിഷങ്ങളാണ് പാട്ട് വേദിയിലൂടെ കൊച്ചു പ്രതിഭകൾ പ്രേക്ഷകർക്ക് സമ്മാനിക്കുന്നത്.
Story highlights: mekhna as sainaba in top singer
