കേരളത്തില്‍ പ്രതിവര്‍ഷം വില്‍ക്കുന്നത് 45 ലക്ഷം പ്ലാസ്റ്റിക് സ്‌കൂള്‍ ബാഗുകള്‍

സ്‌കൂള്‍ തുറക്കാന്‍ ഇനി ദിവസങ്ങള്‍ മാത്രമാണുള്ളത്. പുത്തന്‍ ഉടുപ്പും, പുത്തന്‍ ബാഗും, പുത്തന്‍ കുടയും പുതിയ ക്ലാസ് റൂമും ഒക്കെയായ് ആകെ ത്രില്ലിലാണ് വിദ്യാര്‍ത്ഥികള്‍. ഒപ്പം വേനലവധി തീരുന്നതിന്റെ ചെറിയ സങ്കടവും. സ്‌കൂള്‍ ഉല്‍പന്നങ്ങളുടെ വിപണികളും സജീവമാണ്. പല നിറത്തില്‍ പല തരത്തിലുള്ള ബാഗുകള്‍ തന്നെയാണ് വിപണികളിലെ മുഖ്യ ആകര്‍ഷണം. കുട്ടികളുടെ ഇഷ്ടതാരങ്ങളുടെ ചിത്രങ്ങളും രൂപങ്ങളുമൊക്കെയായി സംസ്ഥാനത്ത് ബാഗ് വില്പന പൊടിപൊടിക്കുകയാണ്.

അതേസമയം തൃശൂര്‍ ആസ്ഥാനമായി പ്രവര്‍ത്തിക്കുന്ന സ്വാശ്രയ കൂട്ടായ്മയായ ബാഗിദാരി സ്‌കൂള്‍ ബാഗുകളെ കുറിച്ച് ഒരു പഠനം നടത്തി. സംസ്ഥാനത്ത് ഒരു വര്‍ഷം 45 ലക്ഷം പ്ലാസ്റ്റിക് സ്‌കൂള്‍ ബാഗുകള്‍ വില്‍ക്കപ്പെടുന്നുണ്ടെന്നാണ് ഈ പഠനം വ്യക്തമാക്കുന്നത്. പ്രതിവര്‍ഷം ഇത്രയധികം തന്നെ ബാഗുകള്‍ ഉപേക്ഷിക്കപ്പെടുന്നുമുണ്ട്. ഉപേക്ഷിക്കപ്പെടുന്ന ഇത്തരം പ്ലാസ്റ്റിക് സ്‌കൂള്‍ ബാഗുകള്‍ പരിസ്ഥിതിക്ക് വലിയ രീതിയില്‍ തന്നെ ദോഷകരമാകുന്നു.

Read more:‘അവസാനം അനക്കും പെണ്ണുകിട്ടി അല്ലേ’; ചിരി പടര്‍ത്തി ‘പെണ്ണന്വേഷണം’ പ്രൊമോ സോങ്

തുണികള്‍ക്കൊണ്ടുള്ള ബാഗുകള്‍ ഉണ്ടെങ്കിലും പ്ലാസ്റ്റിക് ബാഗുകള്‍ക്കാണ് ആവശ്യക്കാര്‍ ഏറെ. തുണികൊണ്ട് സ്‌കൂള്‍ബാഗുകള്‍ നിര്‍മ്മിക്കുന്ന വനിതാ കൂട്ടായ്മയാണ് ബാഗിദാരി. എന്നാല്‍ ഈ വര്‍ഷം ഇവര്‍ നിര്‍മ്മിച്ച് വിപണിയില്‍ എത്തിച്ച ബാഗുകളില്‍ 500 എണ്ണം മാത്രമാണ് വിറ്റഴിക്കപ്പെട്ടത്. 500 മുതല്‍ 700 രൂപാ വരെയാണ് തുണികള്‍ക്കൊണ്ടുള്ള ഇത്തരം സ്‌കൂള്‍ ബാഗുകളുടെ വില. കാഴ്ചയ്ക്കും ഭംഗിയുള്ള ഇത്തരം ബാഗുകള്‍ സുരക്ഷ മനസിലാക്കാത്തതുകൊണ്ട് പലരും ഇവയെ തഴയുന്നതെന്നാണ് ബാഗിദാരിയുടെ വിലയിരുത്തല്‍. എന്നാല്‍ പ്ലാസ്റ്റിക് ബാഗുകള്‍ വലിയ തോതില്‍ പ്രകൃതിക്ക് ഹാനികരമാകുന്നുവെന്നും ഇവരുടെ പഠനം വ്യക്തമാക്കുന്നു.

കൂടുതല്‍ ക്യാഷ് ബാക്ക് ഓഫറുകളുമായി ഗൂഗിള്‍ പേ

ഏറെ ജനപ്രിയമായ ഒരു ആപ്ലിക്കേഷനാണ് ഗൂഗിള്‍ പേ. ഓണ്‍ലൈന്‍ പണമിടപാടുകള്‍ക്ക് മിക്കവരും ഇന്ന് ആശ്രയിക്കുന്നത് ഗൂഗിള്‍ പേ എന്ന ഈ ആപ്ലിക്കേഷനെയാണ്. ഇടപാടുകള്‍ എളുപ്പത്തില്‍ നടത്താന്‍ സാധധിക്കുന്നു എന്നതിനു പുറമെ ക്യാഷ്ബാക്ക് ഓഫറുകളും ഗൂഗിള്‍ പേ എന്ന ആപ്ലിക്കേഷനെ കൂടുതല്‍ ജന സ്വീകാര്യമാക്കി. ഇപ്പോഴിതാ ക്യാഷ് ബോക്ക് ഓഫറുകള്‍ വിപുലപ്പെടുത്താനുള്ള ശ്രമത്തിലാണ് ഗൂഗിള്‍ പേ ആപ്ലിക്കേഷന്‍. ഇതിന്റെ ഭാഗമായി പ്രൊജക്ട് ക്രൂയ്‌സര്‍ എന്ന പുതിയ പദ്ധതിയും ആരംഭിച്ചിട്ടുണ്ട്.

നേരത്തെ നല്‍കിവന്നിരുന്നതിനെക്കാള്‍ കൂടുതല്‍ ഓഫറുകളും ക്യാഷ് ബാക്കുകളും ഉപഭോക്താക്കള്‍ നല്‍കുക എന്ന ലക്ഷ്യത്തോടെയാണ് പ്രൊജക്ട് ക്രൂയ്‌സര്‍ എന്ന പദ്ധതി ആരംഭിച്ചിരിക്കുന്നത്. അതേസമയം വാട്‌സ്ആപ്പ് പേ, ആമസോണ്‍ പേ, പേടിഎം എന്നിവയോടുള്ള മത്സരത്തിന്റെ ഭാഗമായാണ് ഗൂഗിള്‍ പേ പുതിയ ഓഫറുകള്‍ ആവിഷ്‌കരിച്ചിരിക്കുന്നതെന്നും സൂചനയുണ്ട്. വ്യക്തിഗത ഇടപാടുകള്‍ക്ക് പുറമെ ആപ് വഴിയുള്ള വാണിജ്യ ഇടപാടുകള്‍ പ്രോത്സാഹിപ്പിക്കാനും കമ്പനി ലക്ഷ്യമിടുന്നുണ്ട്.

Read more:മാലിന്യകൂമ്പാരത്തില്‍ വലിച്ചെറിയപ്പെട്ട കുഞ്ഞിന് രക്ഷകനായത് മൂന്ന് കാലുള്ള നായ

ഗൂഗിള്‍ പേ എന്ന ആപ്ലിക്കേഷനിലേക്ക് സുഹൃത്തുക്കളെ ആകര്‍ഷിക്കുന്നതുവഴി നിശ്ചിത തുക ക്യാഷ് ബാക്കായി അക്കൊണ്ടിലേക്ക് വരും. ആപ്ലിക്കേഷന്റെ സേവനം കൂടുതല്‍ പേരിലേക്ക് എത്തിക്കുക എന്ന ലക്ഷ്യത്തോടെയാണ് ഉപഭോക്താക്കള്‍ക്ക് ഇത്തരമൊരു ഓഫര്‍ നല്‍കുന്നത്.

2017 സെപ്റ്റംബറിലാണ് ഗൂഗിള്‍ തേസ് എന്ന പേരില്‍ ഈ ആപ്ലിക്കേഷന്‍ പ്രവര്‍ത്തനം ആരംഭിച്ചത്. പിന്നീട് പേര് ഗൂഗിള്‍ പേ എന്നാക്കി. നിലവിലെ കണക്കനുസരിച്ച് ഇന്ത്യയില്‍ രണ്ടരക്കോടിയിലധികം പേര്‍ ഗൂഗിള്‍ പേ ആപ്ലിക്കേഷന്‍ പ്രതിമാസം ഉപയോഗിക്കുന്നുണ്ട്.