ചതുരക്കളങ്ങളിൽ ചരിത്രമെഴുതുന്ന ചെസ് മത്സരവുമായി നാട്ടിക ബീച്ച് ഫെസ്റ്റ്

ജനസാഗരങ്ങളുടെ മനംകവരുകയാണ് തൃശൂരിൽ ഒരുങ്ങിയ നാട്ടിക ബീച്ച് ഫെസ്റ്റ്. ജനുവരി 16 ന് ആരംഭിച്ച ബീച്ച് ഫെസ്റ്റ് അഞ്ചാം ദിവസം പിന്നിട്ടിരിക്കുകയാണ്. ഓരോ ദിവസവും വൈവിധ്യമാർന്ന പരിപാടികളുമായി എത്തുന്ന ബീച്ച് ഫെസ്റ്റിൽ ബുദ്ധിയും തന്ത്രങ്ങളും ചതുരക്കളങ്ങളിൽ ചരിത്രമെഴുതുന്ന ചെസ് മത്സരം അരങ്ങേറും. ഇന്ന് വൈകുന്നേരം അഞ്ച് മണിയ്ക്കാണ് ചെസ് മത്സരം.

മനോഹരമായ കാഴ്ചകൾക്കൊപ്പം കാഴ്ചക്കാർക്ക് ഇഷ്‌ടാനുസരണം സാധനങ്ങൾ വാങ്ങിക്കുന്നതിനുള്ള സൗകര്യങ്ങളും മേളയിൽ ഒരുക്കിയിട്ടുണ്ട്. ആകർഷകമായ വിലക്കുറവും മേളയുടെ പ്രത്യേകതയാണ്.

ആകര്‍ഷകമായ വിലക്കുറവില്‍ ഗൃഹോപകരണങ്ങളുടെ വമ്പൻ ശേഖരം, രുചി ഭേദങ്ങളുടെ കലവറ തീര്‍ത്ത് ഫുഡ് കോര്‍ട്ട്, പുഷ്പക്കാഴ്ചകളുമായി വൃന്ദാവന്‍ ഫ്‌ളവർ ഷോ, വളര്‍ത്തുമൃഗങ്ങളുടെ പ്രദര്‍ശനം, കുട്ടികള്‍ക്കായി അമ്യൂസ്‌മെന്റ് പാർക്ക് അക്വാ ഷോ എന്നിവയെല്ലാം മേളയിൽ ഉൾപ്പെടുത്തിയിട്ടുണ്ട്.

വൈവിധ്യമാര്‍ന്ന വസ്ത്രങ്ങളുടെ മേള, ഓട്ടോമൊബൈല്‍, ഇന്റീരിയര്‍ ഡിസൈന്‍, വിദ്യാഭ്യാസ രംഗത്തെ കുറിച്ചുള്ള നിര്‍ദേശങ്ങള്‍ക്കായി പ്രത്യേക കൗണ്ടറുകള്‍, ലോണ്‍ മേള തുടങ്ങിയവയെല്ലാം നാട്ടിക ബീച്ച് ഫെസ്റ്റിൽ ഉണ്ട്.

കണ്ണിന് കുളിർമയേകുന്ന കാഴ്ചകള്‍ക്കൊപ്പം മേളയിൽ എത്തുന്നവർക്ക് ഇഷ്ടാനുസരണം സാധനങ്ങള്‍ വാങ്ങിക്കുന്നതിനുള്ള സൗകര്യങ്ങളും നാട്ടിക ബീച്ച് ഫെസ്റ്റില്‍ ഒരുക്കിയിട്ടുണ്ട്.

കാട്ടുതീയ്ക്ക് പിന്നാലെ ഓസ്‌ട്രേലിയയില്‍ പൊടിക്കാറ്റും രൂക്ഷം

ഓസ്‌ട്രേലിയയില്‍ വലിയ നാശം വിതച്ച കാട്ടുതീയ്ക്ക് പിന്നാലെ പൊടിക്കാറ്റും രൂക്ഷമാകുന്നു. ഓസ്‌ട്രേലിയയുടെ കിഴക്കന്‍ തീരമേഖലയിലാണ് പൊടിക്കാറ്റ് ശക്തമായിരിക്കുന്നത്. പൊടിക്കാറ്റിന് പുറമെ വ്യാപകമായ ആലിപ്പഴം വീഴ്ചയും ഓസ്‌ട്രേലിയയില്‍ ശക്തമാണ്. ന്യൂ സൗത്ത് വെയില്‍സിന്റെ തലസ്ഥാനമായ സിഡ്‌നി ഉള്‍പ്പെടെയുള്ള പ്രദേശങ്ങളില്‍ കൊടുങ്കാറ്റിനും ശക്തമായ മഴയ്ക്കും സാധ്യതയുണ്ടെന്ന് മുന്നറിയിപ്പും നല്‍കിയിട്ടുണ്ട്.

എന്നാല്‍ വിക്ടോറിയയില്‍ കാട്ടുതീ ഇതുവരെ ശമിച്ചിട്ടില്ല. പ്രദേശത്ത് മഴ ഉണ്ടായെങ്കിലും അത് രക്ഷാപ്രവര്‍ത്തനത്തിന് കൂടുതല്‍ തടസം സൃഷ്ടിക്കുകയാണ് ചെയ്തത്. സെപ്തംബറില്‍ തുടങ്ങിയ കാട്ടുതീയില്‍ കോടി കണക്കിന് ജീവജാലങ്ങള്‍ ചത്തതായാണ് കണക്കാക്കപ്പെടുന്നത്. ഓസ്‌ട്രേലിയയുടെ ടൂറിസം രംഗത്തെ തന്നെ ദോഷകരമായി ബാധിച്ചിട്ടുണ്ട് കാട്ടുതീ. കാട്ടുതീയില്‍ നിരവധി മനുഷ്യ ജീവനുകളും പൊലിഞ്ഞു. രണ്ടായിരത്തിലധികം വീടുകളും തകര്‍ന്നു.

അതേസമയം ഓസട്രേലിയയില്‍ മഴ ശക്തമായി പെയ്യാന്‍ സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം നല്‍കുന്ന മുന്നറിയിപ്പ്. ശക്തമായ മഴ ലഭിച്ചാല്‍ കാട്ടുതീ പൂര്‍ണ്ണമായും കെടുത്താന്‍ സാധിക്കും. നിലവിലെ സാഹചര്യത്തില്‍ അഗ്നിശമന സേനാ പ്രവര്‍ത്തകര്‍ക്കും ഏറെ ആശ്വാസം പകരുന്ന ഒന്നാണ് മഴ. എന്നാല്‍ മഴ കനത്താല്‍ മറ്റൊരു വെല്ലുവിളിയും ഓസ്‌ട്രേലിയ നേരിടേണ്ടി വരും. കാട്ടുതീയില്‍ ഉണ്ടായ അവശിഷ്ടങ്ങള്‍ പലതും നദികളിലേക്കും മറ്റ് ജലസ്രോതസ്സുകളിലേക്കും ഒഴികിയെത്താന്‍ സാധ്യതയുണ്ട്. ഇത് ജലജീവികളെ ഏറെ മോശകരമായി ബാധിക്കും.

ആവശ്യമില്ലാത്ത ടാബുകൾ ക്ലോസ് ചെയ്യാൻ ഇനി മുതൽ നിർദേശമെത്തും; സവിശേഷ ഫീച്ചറുമായി ഗൂഗിൾ ക്രോം

ഇന്റർനെറ്റിൽ എന്തെങ്കിലും തിരയുമ്പോൾ ധാരാളം ടാബുകൾ ഒന്നിച്ച് തുറന്നിടുന്നത് മിക്കവരുടെയും ശീലമാണ്. ആവശ്യമുള്ളതാണെങ്കിലും അല്ലെങ്കിലും ഇങ്ങനെ തുറന്നിട്ട് പോകുന്ന ടാബുകൾ മൊബൈലിൽ ആണെങ്കിലും സിസ്റ്റത്തിൽ ആണെങ്കിലും ഡാറ്റയെ ബാധിക്കാം. ഒരുപാട് ടാബുകൾ ഒന്നിച്ച് തുറന്നു കിടക്കുന്നത് പ്രവർത്തന ക്ഷമത കുറയ്ക്കാനും കാരണമാകുന്നു.

ഇപ്പോൾ അതിനൊരു പരിഹാരം കൊണ്ടുവന്നിരിക്കുകയാണ് ഗൂഗിൾ ക്രോം. ധാരാളം ടാബുകൾ തുറന്നിടുമ്പോൾ അത് ആവശ്യമുള്ളതാണോ എന്നോർമിപ്പിക്കാനായി ‘സജസ്റ്റ് ടു ക്ലോസ് ടാബ്’ എന്ന ഒരു പുതിയ ഓപ്ഷൻ ആണ് ഗൂഗിൾ ക്രോം അവതരിപ്പിക്കുന്നത്.

Read More:പി എസ് സി പരീക്ഷകളില്‍ ബയോമെട്രിക് പരിശോധന നിര്‍ബന്ധമാക്കുന്നു

ഇത് ഇപ്പോൾ തന്നെ ഗൂഗിൾ ഫ്ലാഗ്‌സിന്റെ ഭാഗമാണ്. ബ്രൗസറിന്റെ ഫീച്ചറായി ‘സജസ്റ്റ് ടു ക്ലോസ് ടാബ്’ വരുമ്പോൾ ഏറെ സമയത്തിന് ശേഷവും നിങ്ങൾ തുറക്കാതെയും ഉപയോഗിക്കാതെയും ഇരിക്കുന്ന ടാബ് ക്ലോസെ ചെയ്യാൻ ഗൂഗിൾ നിങ്ങൾക്ക് നിർദേശം തരും.

അഴകുള്ള തലമുടിയ്ക്ക് ശീലമാക്കാം ഈ ഭക്ഷണങ്ങള്‍

പെണ്ണിനഴക് മുടിയാണെന്ന് പഴമക്കാര്‍ പറയാറുണ്ട്. എന്നാല്‍ ഇന്ന് സ്ത്രീകള്‍ മാത്രമല്ല പുരുഷന്മാരും മുടിയെ സ്‌നേഹിച്ചു തുടങ്ങിയിരിക്കുന്നു. അഴകുള്ള മുടി ആഗ്രഹിക്കുന്നവരുടെ എണ്ണം കുറവല്ല. മുടിയുടെ കാര്യത്തില്‍ ഒരല്പം ശ്രദ്ധ കൂടുതല്‍ നല്‍കാന്‍ മിക്കവരും തയാറുമാണ്. ചില ഭക്ഷണങ്ങളും മുടിയുടെ വളര്‍ച്ചയെ ഒരു പരിധി വരെ സഹായിക്കാറുണ്ട്. മുടിയുടെ സംരക്ഷണത്തിന് സഹായകരമാകുന്ന ചില ഭക്ഷണങ്ങളെ പരിചയപ്പെടാം.

നെല്ലിക്ക: കാണാന്‍ കുഞ്ഞനാണെങ്കിലും ആരോഗ്യകാര്യത്തില്‍ ഏറെ മുന്നിലാണ് നെല്ലിക്ക. മുഖകാന്തിക്കും ഉത്തമമായ നെല്ലിക്ക മുടിയുടെ വളര്‍ച്ചയ്ക്കും ഏറെ സഹായകരമാണ്. ആന്റി ഓക്‌സിഡന്റുകള്‍ നെല്ലിക്കയില്‍ ധാരാളമായി അടങ്ങിയിട്ടുണ്ട്. ഇവ മുടിയുടെ വളര്‍ച്ചയെ സഹായിക്കുന്നു. ദിവസവും ഒരു നെല്ലിക്ക വീതം കഴിക്കുന്നത് മുടിയുടെ ആരോഗ്യസംരക്ഷണത്തിന് ഏറെ ഗുണകരമാണ്.

ഇലക്കറികള്‍: ഇലക്കറികള്‍ ധാരാളം പോഷകങ്ങളാല്‍ സമ്പന്നമാണ്. അതുകൊണ്ടുതന്നെ ഇലക്കറികളും മുടിയുടെ ആരോഗ്യത്തെ സംരക്ഷിക്കും. മുടിയുടെ അറ്റംപൊട്ടുന്നത് തടയുന്നതിനും ഇലക്കറികള്‍ സഹായിക്കുന്നു. മുരിങ്ങയിലയും ചീരയിലയുമെല്ലാം ഭക്ഷണത്തിന്റെ ഭാഗമാക്കുന്നത് മുടിയുടെ വളര്‍ച്ചയെ മെച്ചപ്പെടുത്തും.

കറിവേപ്പില: ഇലക്കറികള്‍ പോലെതന്നെ കറിവേപ്പില ധാരാളമായി അടങ്ങിയ കറികള്‍ കഴിക്കുന്നതും മുടിയുടെ ആരോഗ്യത്തെ സംരക്ഷിക്കും. മുടി സമൃദ്ധമായി വളരുന്നതിനും കറിവേപ്പില ഉത്തമമാണ്.

മത്സ്യങ്ങള്‍: പ്രോട്ടീനും കാല്‍സ്യവും ധാരളമടങ്ങിയ മത്സ്യങ്ങള്‍ ഇന്ന് സുലഭമാണ്. ഇവ മുടിയുടെ വളര്‍ച്ചയെ മെച്ചപ്പെടുത്താനും സഹായിക്കും. മുടി കൊഴിയുന്നത് തടയാനും പുതിയ മുടി കിളിര്‍ക്കുന്നതിനും മത്സ്യവിഭവങ്ങള്‍ ഭക്ഷണത്തിന്റെ ഭാഗമാക്കുന്നതും നല്ലതാണ്.

ധാന്യങ്ങള്‍: തവിട് അടങ്ങിയ ധാന്യങ്ങള്‍ കഴിക്കുന്നതും മുടിയുടെ വളര്‍ച്ചയെ മെച്ചപ്പെടുത്തും. ആന്റി ഓക്‌സിഡന്റുകളും വിറ്റമിന്‍ ഈ-യും ഇത്തരം ധാന്യങ്ങളില്‍ ധാരാളം അടങ്ങിയിട്ടുണ്ട്. ഇവ മുടിയുടെ വളര്‍ച്ചയെ വേഗത്തിലാക്കുന്നു.

തിരുവനന്തപുരം എയര്‍പോര്‍ട്ട് റോഡ് വികസനത്തിനായി 13 കോടിയുടെ പ്രത്യേക പദ്ധതി

തിരുവനന്തപുരം എയര്‍പോര്‍ട്ട് റോഡ് വികസനത്തിനായി പുതിയ പദ്ധതി നടപ്പിലാക്കുന്നു. 13 കോടി രൂപയുടേതാണ് പദ്ധതി. സംസ്ഥാന പൊതുമരാമത്ത് വകുപ്പിന്റെ സിറ്റി റോഡ് ഇംപ്രൂമെന്റ് ഫണ്ടില്‍ നിന്നാണ് ഈ തുക കണ്ടെത്തുക.

തിരുവനന്തപുരം റോഡ് ഡവലപ്പ്‌മെന്റ് കമ്പനി (ടി.ആര്‍.ഡി.എല്‍) യോഗത്തിലാണ് തിരുവനന്തപുരം എയര്‍പോര്‍ട്ട് റോഡ് വികസനത്തിന്റെ കാര്യത്തില്‍ തീരുമാനമായത്. അതേസമയം രണ്ട് മുതല്‍ രണ്ടരകോടി രൂപ വരെ വാര്‍ഷിക അറ്റകുറ്റ പണികള്‍ക്കായി ചിലവ് വരുമെന്നും കണ്ടെത്തി. ഈ തുക സ്‌പോണ്‍സര്‍മാര്‍ വഴിയും പരസ്യങ്ങള്‍ വഴിയും കണ്ടെത്താനാണ് തീരുമാനിച്ചിരിക്കുന്നത്.

ശംഖുമുഖം ഭാഗത്ത് തകര്‍ന്ന ഭാഗം ശരിയാക്കാനുള്ള ടെന്‍ഡറും ക്ഷണിച്ചിട്ടുണ്ട്. അഞ്ച് കോടിയാണ് ടെന്‍ഡര്‍ തുക. പുനരുദ്ധാരണ പ്രവര്‍ത്തനങ്ങള്‍ ഫെബ്രുവരി മാസം ആരംഭിക്കും.

തിരുവനന്തപുരം എയര്‍പോര്‍ട്ട് റോഡ് വികസനത്തിന് 13 കോടി രൂപയുടെ പദ്ധതി. പൊതുമരാമത്ത് വകുപ്പിന്‍റെ സിറ്റി റോഡ്…

Posted by Pinarayi Vijayan on Monday, 20 January 2020

പലിശക്കാരൻ ബോസ്സായി മമ്മൂട്ടിയെത്താൻ രണ്ടു ദിനം കൂടി- ‘ഷൈലോക്ക്’ ടിക്കറ്റ് ബുക്കിംഗ് ആരംഭിച്ചു

മമ്മൂട്ടി പലിശക്കാരനായ ബോസിന്റെ വേഷത്തിൽ എത്തുന്ന ചിത്രമാണ് ‘ഷൈലോക്ക്’. തിയേറ്ററുകളിൽഎത്താൻ രണ്ടു ദിവസം മാത്രമാണ് ബാക്കിയുള്ളത്. റിലീസിന് മുന്നോടിയായി അഡ്വാൻസ് ബുക്കിംഗ് ആരംഭിച്ചു. ജനുവരി 23 നാണ് ‘ഷൈലോക്ക്’ തിയേറ്ററിലേക്ക് എത്തുന്നത്. ബിബിന്‍ മോഹനും അനീഷും ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്.

മമ്മൂട്ടിക്ക് പുറമെ ഒട്ടേറെ താരങ്ങൾ ചിത്രത്തിൽ അണിനിരക്കുന്നുണ്ട്. വലിയൊരു ഇടവേളയ്ക്ക് ശേഷം മമ്മൂട്ടിയും മീനയും ഒന്നിക്കുന്ന ചിത്രം കൂടിയാണ് ‘ഷൈലോക്ക്’. അജയ് വാസുദേവാണ് ചിത്രത്തിന്റെ സംവിധാനം നിര്‍വഹിക്കുന്നത്. ‘രാജാധിരാജ’, ‘മാസ്റ്റര്‍പീസ്’ തുടങ്ങിയ ചിത്രങ്ങള്‍ക്ക് ശേഷം അജയ് വാസുദേവ് മമ്മൂട്ടി കൂട്ടുകെട്ടില്‍ ഒരുങ്ങുന്ന ചിത്രം കൂടിയാണിത്.

Read More:പി എസ് സി പരീക്ഷകളില്‍ ബയോമെട്രിക് പരിശോധന നിര്‍ബന്ധമാക്കുന്നു

ഗുഡ്‌വിൽ എന്റര്‍ടെയ്ന്‍മെന്റ്‌സിന്റെ ബാനറിലാണ് ചിത്രമൊരുങ്ങുന്നത്. ‘ഷൈലോക്ക്’ എന്ന ചിത്രത്തിൽ അല്പം നെഗറ്റീവ് കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. പിശുക്കനായ പലിശക്കാരനാണ് ചിത്രത്തിലെ മമ്മൂട്ടി കഥാപാത്രം. പാവപ്പെട്ട ഒരാളാണ് നായക സ്വഭാവമുള്ള കഥാപാത്രം. തമിഴ് നടന്‍ രാജ് കിരണ്‍ ഈ കഥാപാത്രത്തെ അവതരിപ്പിക്കുന്നു. വില്ലന്റെ പേരാണ് ചിത്രത്തിന് . കലാഭവന്‍ ഷാജോണും ചിത്രത്തില്‍ പ്രധാന കഥാപാത്രമായെത്തുന്നു.

പിറന്നാള്‍ നിറവില്‍ ടൊവിനോ

വെള്ളിത്തിരയില്‍ വേറിട്ട കഥാപാത്രങ്ങളെ മികച്ച രീതിയില്‍ അവതരിപ്പിച്ച് ശ്രദ്ധ നേടുന്ന താരമാണ് ടൊവിനോ തോമസ്. ഓരോ കഥാപാത്രങ്ങളെയും അതിന്റെ പരിപൂര്‍ണ്ണതയിലെത്തിക്കാന്‍ താരത്തിന് സാധിക്കുന്നു. പിറന്നാള്‍ നിറവിലാണ് ടൊവിനോ ഇന്ന്. ആരാധകരും ചലച്ചിത്ര രംഗത്തുള്ളവരുമടക്കം നിരവധിപ്പേരാണ് താരത്തിന് പിറന്നാള്‍ ആശംസകള്‍ നേര്‍ന്നുകൊണ്ട് രംഗത്തെത്തുന്നത്.

‘ഹാപ്പി ബര്‍ത്ത്‌ഡേ സുന്ദരാ…’ എന്ന അടിക്കുറിപ്പു ചേര്‍ത്ത് ടൊവിനോയുടെ രസകരമായ ഒരു ചിത്രം പങ്കുവെച്ചുകൊണ്ടായിരുന്നു പൂര്‍ണിമ ഇന്ദ്രജിത്തിന്റെ പിറന്നാള്‍ ആശംസ. ഇരുവരും ഒരുമിച്ച് അഭിനയിച്ച ‘വൈറസ്’ എന്ന ചിത്രത്തിലെ രസകരമായ മുഹൂര്‍ത്തങ്ങളും ഫോട്ടോയ്‌ക്കൊപ്പം പൂര്‍ണിമ ചേര്‍ത്തിട്ടുണ്ട്.

ടൊവിനോ തോമസ് നായകനായെത്തുന്ന ‘കിലോമീറ്റേഴ്‌സ് ആന്‍ഡ് കിലോമീറ്റേഴ്‌സ്’ എന്ന പുതിയ ചിത്രത്തിന്റെ ടീസര്‍ പങ്കുവെച്ചുകൊണ്ടാണ് ദുല്‍ഖര്‍ സല്‍മാന്‍ ടൊവിനോയ്ക്ക് പിറന്നാള്‍ ആശംസകള്‍ നേര്‍ന്നത്. ‘കിലോമീറ്റേഴ്‌സ് ആന്‍ഡ് കിലോമീറ്റേഴ്‌സ്’ എന്ന ചിത്രത്തിന്റെ ടീസര്‍ പുറത്തിറങ്ങിയതും ഇന്നാണ്. ജിയോ ബേബിയാണ് ചിത്രത്തിന് തിരക്കഥ ഒരുക്കി സംവിധാനം നിര്‍വഹിക്കുന്നത്. ട്രാവല്‍ മൂവി വിഭാഗത്തില്‍ ഒരുങ്ങുന്ന ചിത്രമാണ് ‘കിലോമീറ്റേഴ്‌സ് ആന്‍ഡ് കിലോമീറ്റേഴ്‌സ്’. ചിത്രത്തില്‍ ഒരു നാട്ടിന്‍പുറത്തുകാരനായാണ് ടൊവിനോ എത്തുക. ജോജു ജോര്‍ജും ചിത്രത്തില്‍ ഒരു പ്രധാന കഥാപാത്രമായെത്തുന്നുണ്ട്.

Wishing my dearest Tovi a very happy birthday and the best wishes for his upcoming movie Kilometers and Kilometers. I am…

Posted by Dulquer Salmaan on Monday, 20 January 2020

Read more: ‘ഇൻ ഇന്ത്യ എവരി ഹോം വൺ വാത്സല്യം മമ്മൂട്ടി ഷുവർ’; ഹൃദയംതൊട്ട് ടൊവിനോ ചിത്രത്തിന്റെ ടീസർ

ടൊവിനോ തോമസിന്റെ ഓരോ കഥാപാത്രങ്ങള്‍ക്കും മികച്ച സ്വീകാര്യതയാണ് പ്രേക്ഷകരില്‍ നിന്നും ലഭിക്കുന്നത്. 2012- ല്‍ തിയേറ്ററുകളിലെത്തിയ പ്രഭുവിന്റെ മക്കള്‍ എന്ന ചിത്രത്തിലൂടെയായിരുന്നു ടൊവിനോയുടെ ചലച്ചിത്ര പ്രവേശനം. എന്ന് നിന്റെ മൊയ്തീന്‍ എന്ന ചിത്രത്തിലെ ടൊവിനോയുടെ പ്രകടനം ഏറെ ശ്രദ്ധിക്കപ്പെട്ടിരുന്നു. ഗപ്പി, ഗോദ, മായാനദി, മറഡോണ, തീവണ്ടി, ഒരു കുപ്രസിദ്ധ പയ്യന്‍, എന്റെ ഉമ്മാന്റെ പേര്, ലൂസിഫര്‍, ഉയരെ, കല്‍ക്കി, വൈറസ്, ലൂക്ക, എടക്കാട് ബറ്റാലിയന്‍ 06 ഇങ്ങനെ നീളുന്നു ടൊവിനോ ശ്രദ്ധേയ കഥാപാത്രങ്ങളെ അവതരിപ്പിച്ച സിനിമകള്‍.

ശിഖർ ധവാന് പിന്നാലെ മറ്റൊരു ഇന്ത്യൻ താരത്തിനും പരിക്ക്

ന്യൂസിലാൻഡിനെതിരെ പരമ്പരയ്ക്ക് ഇറങ്ങുന്ന ഇന്ത്യക്ക് വെല്ലുവിളിയായി താരങ്ങളുടെ പരിക്ക്. ശിഖർ ധവാന് പിന്നാലെ ഇഷാന്ത് ശർമയ്ക്കും പരിക്കേറ്റു. രഞ്ജി ട്രോഫി മത്സരത്തിൽ ഇന്ത്യക്ക് വേണ്ടി കളിക്കുമ്പോഴാണ് ഇഷാന്ത് ശർമയ്ക്ക് പരിക്കേറ്റത്.

വിദർഭക്ക് എതിരെ ബോൾ ചെയ്ത ഇഷാന്ത് ശർമ, എല്‍ബി വിക്കറ്റിനായി അപ്പീല്‍ ചെയ്യുന്നതിനിടെയാണ് പരിക്കേറ്റത്. മൈതാനത്ത് വീണ ഇഷാന്തിന്റെ ആംഗിളിനാണ് പരിക്കേറ്റത്. ഉടൻ തന്നെ ഇഷാന്തിനെ മൈതാനത്ത് നിന്നും മാറ്റി.

Read More:കുട്ടികളിൽ വളർത്താം നല്ല ഭക്ഷണരീതി

കഴിഞ്ഞ ദിവസം ഓസ്‌ട്രേലിയക്ക് എതിരെ ഫീൽഡ് ചെയ്യുമ്പോൾ ശിഖർ ധവാനും പരിക്ക് പറ്റിയിരുന്നു. ഈ മാസം 24 -ന് ആരംഭിയ്ക്കുന്ന പരമ്പരയില്‍ മൂന്ന് വീതം ടി20, ഏകദിന, ടെസ്റ്റ് മത്സരങ്ങളാണ് ഉളളത്. ഇപ്പോൾ ഇഷാന്തിനും പരിക്ക് പറ്റിയതോടെ ന്യുസിലൻഡിൽ ഇഷാന്ത് ഉണ്ടാകുമോ എന്നതിൽ ആശങ്ക നിലനിൽക്കുകയാണ്.