മാർത്താണ്ഡവർമ്മയാകാൻ റാണാ ദഗുപതി കേരളത്തിലെത്തി
‘മാർത്താണ്ഡ വർമ്മയെ പറ്റിയുള്ള ചിത്രമെടുക്കാനുള്ള ആശയം ഉടലെടുക്കുന്നത് പത്മനാഭ സ്വാമി ക്ഷേത്രത്തിൽ വെച്ചാണ്.അതുകൊണ്ടാണ് സിനിമയുടെ ചിത്രീകരണം തുടങ്ങുന്നതിനു മുന്നേ തന്നെ റാണ ദഗുപതി പത്മനാഭസ്വാമി ക്ഷേത്രത്തിലെത്തി അനുഗ്രഹം വാങ്ങിയത്’- ചിത്രത്തിന്റെ സംവിധായകൻ കെ.മധു പറഞ്ഞു
ഈ വർഷം തന്നെ റിലീസ് ചെയ്യാനുദ്ദേശിക്കുന്ന ചിത്രത്തിന്റെ തിരക്കഥയൊരുക്കുന്നത് റോബിൻ തിരുമലയാണ്. മാർത്താണ്ഡവർമ്മയെക്കുറിച്ചു കൂടുതൽ അറിയാനും ഷൂട്ടിംഗ് ലൊക്കേഷനുകളിൽ സന്ദർശനം നടത്താനുമാണ് റാണ ദഗുപതി രണ്ടു ദിവസം കേരളത്തിൽ താമസിക്കുന്നതെന്ന് റോബിൻ തിരുമല വ്യക്തമാക്കി. നിലവിൽ ചിത്രത്തിന്റെ പ്രീ പ്രൊഡക്ഷൻ ജോലികൾ പുരോഗമിച്ചുകൊണ്ടരിക്കുകയാണ്.