‘റോക്കട്രി: ദ് നമ്പി ഇഫക്ട്’ ചിത്രം അനൗണ്സ് ചെയത് മാധവന്
നമ്പി നാരായണന്റെ ജീവിതം പറയുന്ന ചിത്രത്തെക്കുറിച്ച് ഔദ്യോഗികമായി അനൗണ്സ് ചെയ്തിരിക്കുകയാണ് നടന് മാധവന്. ‘റോക്കട്രി: ദ് നമ്പി ഇഫക്ട്’ എന്നാണ് ചിത്രത്തിന്റെ പേര്. ഐഎസ്ആര്ഒ ചാരക്കേസില് നമ്പി നാരായണന് അനുകൂലമായി സുപ്രീം കോടതി വിധി വരുന്നതിനും മുമ്പേ നമ്പി നാരായണന്റെ ജീവിതം സിനിമയാകുന്നു എന്ന് റിപ്പോര്ട്ടുകള് പുറത്തുവന്നിരുന്നു. അടുത്തിടെയാണ് ബഹിരാകാശ ശാസ്ത്രജ്ഞന് നമ്പി നാരായണന് നഷ്ട പരിഹാരം നല്കാന് സുപ്രീം കോടതി വിധി വന്നത്.
ആനന്ദ് മോഹനാണ് റോക്കട്രി: ദ് നമ്പി ഇഫക്ട’ എന്ന ചിത്രത്തിന്റെ സംവിധാനം നിര്വ്വഹിക്കുന്നത്. തമിഴ്, തെലുങ്ക്, ഹിന്ദി ഭാഷകളില് ചിത്രം പുറത്തിറങ്ങും. മാധവനാണ് നമ്പി നാരായണനായി വെള്ളിത്തിരയിലെത്തുന്നത്. നമ്പി നാരായണന് രചിച്ച ‘റെഡി ടു ഫയര്: ഹൗ ഇന്ത്യ ആന്ഡ് ഐ സര്വൈവ്ഡ് ദ് ഐഎസ്ആര്ഒ സ്പൈ കേസ്’ എന്ന പുസ്തകത്തെ ആധാരമാക്കിയാണ് സിനിമ നിര്മ്മിക്കുന്നത്.
ഇന്സ്റ്റഗ്രാമില് പങ്കുവെച്ച ഒരു വീഡിയോയിലൂടെയാണ് മാധവന് റോക്കട്രി: ദ് നമ്പി ഇഫക്ട്’ എന്ന ചിത്രം ഔദ്യോഗികമായി അനൗണ്സ് ചെയ്തത്. ഓക്ടോബര് 31 ന് ചിത്രത്തിന്റെ ടീസര് പുറത്തിറങ്ങുമെന്നും വീഡിയോയില് പറയുന്നുണ്ട്.