‘ഇത് ലോകത്തോട് ഹാലോ പറയാനുള്ള സമയം’; ആദ്യമായി മകന്റെ ചിത്രം പങ്കുവെച്ച് സാനിയ മിർസ
December 23, 2018
ഇന്ത്യന് ടെന്നീസ് ഇതിഹാസം സാനിയ മിര്സയ്ക്കും പാകിസ്ഥാന് ക്രിക്കറ്റ് താരം ശുഹൈബ് മാലിക്കിനും കുഞ്ഞ് പിറന്ന വാർത്ത ഏറെ ആവേശത്തോടെയാണ് ആരാധകർ ഏറ്റെടുത്തത്. കുട്ടിയുടെ ചിത്രം കാണാൻ ഏറെ ആകാംക്ഷയോടെ കാത്തിരിക്കുന്ന ആരാധകർക്ക് സന്തോഷ വാർത്തയുമായി എത്തിയിരിക്കുകയാണ് സാനിയ മിർസ. ആദ്യമായി കുഞ്ഞിന്റെ മുഖം സോഷ്യൽ മീഡിയയിൽ പങ്കുവെച്ചിരിക്കുകയാണ് താരം..
ലോകത്തോട് ഹാലോ പറയാനുള്ള സമയമാണിത് എന്ന അടിക്കുറുപ്പോടെയാണ് മകൻ ഇസാന്റെ ചിത്രം സാനിയ പങ്കുവെച്ചിരിക്കുന്നത്.
2010 ഏപ്രില് 12 നാണ് സാനിയ മിര്സയും ശുഹൈബ് മാലിക്കും വിവാഹിതരാകുന്നത്. 2018 ഒക്ടോബര് 30 ന് താരദമ്പതികള്ക്ക് ആണ്കുഞ്ഞു പിറന്നു. ഇസാന് മിര്സ മാലിക് എന്നാണ് കുഞ്ഞിന്റെ പേര്.