സൂപ്പര് ലുക്കില് സ്റ്റൈല് മന്നന്; ‘ദര്ബാറി’ന്റെ ചിത്രീകരണം പുരോഗമിക്കുന്നു
തെന്നിന്ത്യന് ചലച്ചിത്ര ലോകത്തെ സ്റ്റൈല് മന്നന് രജനീകാന്ത് കേന്ദ്ര കഥാപാത്രമായെത്തുന്ന പുതിയ ചിത്രമാണ് ‘ദര്ബാര്’. എ ആര് മുരുഗദോസ് ആണ് ചിത്രത്തിന്റെ സംവിധാനം നിര്വ്വഹിക്കുന്നത്. തമിഴകത്തെ ലേഡി സൂപ്പര് സ്റ്റാര് നയന്താരയും ‘ദര്ബാറി’ന്റെ ഭാഗായിരിക്കുകയാണ്. ചിത്രത്തിന്റെ നിര്മ്മാതാക്കളായ ലൈക്ക പ്രൊഡക്ഷന്സാണ് നയന്താര ചിത്രത്തിന്റെ ഭാഗമാകുന്ന കാര്യം അടുത്തിടെ പ്രേക്ഷകരുമായി പങ്കുവെച്ചത്. അതേസമയം ദര്ബാറിന്റെ ചിത്രീകരണം പുരോഗമിക്കുകയാണ്. സിനിമയുടെ ചില ലൊക്കേഷന് ചിത്രങ്ങളും സോഷ്യല് മീഡിയയില് ഇടം നേടുന്നുണ്ട്. സ്റ്റൈല് മന്നന് എന്ന വിളിപ്പേരുപോലെ സൂപ്പര് ലുക്കിലാണ് രജനീകാന്ത് ലൊക്കേഷന് ചിത്രങ്ങളില് പ്രത്യക്ഷപ്പെട്ടിരിക്കുന്നത്.
Read more:പുതിയ ലുക്കില് ജയറാം; ഏറ്റെടുത്ത് സോഷ്യല് മീഡിയ
സന്തോഷ് ശിവനാണ് ‘ദര്ബാര്’ എന്ന സിനിമയുടെ സിനിമാറ്റോഗ്രഫി നിര്വ്വഹിക്കുന്നത്. നീണ്ട ഇടവേളയ്ക്ക് ശേഷം രജനീകാന്തിനായി സന്തോഷ് ശിവന് ക്യാമറ ചലിപ്പിക്കുന്നു എന്ന പ്രത്യേകതയും ഈ ചിത്രത്തിനുണ്ട്. അനിരുദ്ധ് രവിചന്ദര് ആണ് സംഗീത സംവിധാനം നിര്വ്വഹിക്കുന്നത്.