തൃശൂരിലെ ഓരോ മണൽത്തരികളെയും ചുംബിച്ചുകൊണ്ട് നാൽചക്രങ്ങളിലെ വേഗരാജാക്കന്മാർ
തൃശൂരിന്റെ പടിഞ്ഞാറൻ തീരത്ത് ജനസാഗരങ്ങളുടെ മനംകവരുകയാണ് നാട്ടിക ബീച്ച് ഫെസ്റ്റ്. ജനുവരി 16 ന് ആരംഭിച്ച ബീച്ച് ഫെസ്റ്റ് നാല് ദിവസം പിന്നിട്ടിരിക്കുകയാണ്. ഓരോ ദിവസവും വൈവിധ്യമാർന്ന പരിപാടികളുമായി എത്തുന്ന ബീച്ച് ഫെസ്റ്റിൽ മനോഹരമായ കാഴ്ചകൾക്കൊപ്പം കാഴ്ചക്കാർക്ക് ഇഷ്ടാനുസരണം സാധനങ്ങൾ വാങ്ങിക്കുന്നതിനുള്ള സൗകര്യങ്ങളും ഒരുക്കിയിട്ടുണ്ട്. ആകർഷകമായ വിലക്കുറവിനൊപ്പം ഇഷ്ടാനുസരണം സാധനങ്ങളും തിരഞ്ഞെടുക്കാം.
തൃശൂരിന്റെ മുഴുവൻ മനം കവർന്നുകൊണ്ട് തൃശൂരിലെ ഓരോ മണൽ തരികളെയും ചുംബിച്ചുകൊണ്ട് ഇന്നലെ അരങ്ങേറിയ കാർ റേസ് കാണികൾക്ക് ആവേശത്തിരയിളക്കം സൃഷ്ടിച്ചു. നാൽചക്രങ്ങളിലെ വേഗരാജാവിനെ തീരുമാനിക്കാൻ ഇന്നലെ വൈകുന്നേരം മൂന്ന് മണിയ്ക്ക് അരങ്ങേറിയ കാർ റേസിൽ നിരവധി വാഹനങ്ങൾ എത്തിയിരുന്നു.
ആകര്‍ഷകമായ വിലക്കുറവില്‍ ഗൃഹോപകരണങ്ങളുടെ വമ്പൻ ശേഖരം, രുചി ഭേദങ്ങളുടെ കലവറ തീര്‍ത്ത് ഫുഡ് കോര്‍ട്ട്, പുഷ്പക്കാഴ്ചകളുമായി വൃന്ദാവന്‍ ഫ്‌ളവർ ഷോ, വളര്‍ത്തുമൃഗങ്ങളുടെ പ്രദര്‍ശനം, കുട്ടികള്‍ക്കായി അമ്യൂസ്‌മെന്റ് പാർക്ക് അക്വാ ഷോ എന്നിവയെല്ലാം മേളയിൽ ഉൾപ്പെടുത്തിയിട്ടുണ്ട്.
Read also: കുഞ്ഞിനൊപ്പം ചങ്ങാത്തം കൂടി മുള്ളൻപന്നി; വൈറൽ വീഡിയോ
വൈവിധ്യമാര്‍ന്ന വസ്ത്രങ്ങളുടെ മേള, ഓട്ടോമൊബൈല്‍, ഇന്റീരിയര്‍ ഡിസൈന്‍, വിദ്യാഭ്യാസ രംഗത്തെ കുറിച്ചുള്ള നിര്‍ദേശങ്ങള്‍ക്കായി പ്രത്യേക കൗണ്ടറുകള്‍, ലോണ്‍ മേള തുടങ്ങിയവയെല്ലാം നാട്ടിക ബീച്ച് ഫെസ്റ്റിൽ ഉണ്ട്.
കണ്ണിന് കുളിർമയേകുന്ന കാഴ്ചകള്‍ക്കൊപ്പം മേളയിൽ എത്തുന്നവർക്ക് ഇഷ്ടാനുസരണം സാധനങ്ങള്‍ വാങ്ങിക്കുന്നതിനുള്ള സൗകര്യങ്ങളും നാട്ടിക ബീച്ച് ഫെസ്റ്റില്‍ ഒരുക്കിയിട്ടുണ്ട്.