കണ്ണൊന്നു നിറച്ചാലും സവാളയിലും കാര്യമുണ്ട്- സവാളയുടെ ആരോഗ്യഗുണങ്ങൾ

October 22, 2022

ഇന്ത്യൻ ഭക്ഷണങ്ങളിൽ സവാളയ്ക്ക് വലിയ സ്ഥാനമുണ്ട്. ഭക്ഷണത്തിനു രുചി കൂട്ടുന്നതിനായി ഒരു ചേരുവയായി മാത്രം കണക്കാക്കേണ്ട ഒന്നല്ല സവാള. ധാരാളം ആരോഗ്യ ഗുണങ്ങൾ സവാളയിൽ അടങ്ങിയിട്ടുണ്ട്. പണ്ടുമുതലേ നാടോടി വൈദ്യത്തിൽ സവാളയ്ക്ക് സ്ഥാനമുണ്ട്. രുചിയുടെ ശക്തി പോലെ രോഗശാന്തി നൽകാനും കെൽപ്പുള്ള സവാള സ്ഥിരമായി ഉപയോഗിച്ചാൽ അസുഖങ്ങളിൽ നിന്നും അകലവും പാലിക്കാം.

ജലദോഷം മുതൽ ആസ്ത്മാരോഗങ്ങളെ പോലും ചെറുക്കൻ സവാളയ്ക്ക് സാധിക്കും. സവാളയുടെ ആൻറി ബാക്ടീരിയൽ പ്രവർത്തനം എല്ലാത്തരം പകർച്ചവ്യാധികളെയും നേരിടുകയും ദഹനവ്യവസ്ഥയെ സംരക്ഷിക്കുകയും ചെയ്യുന്നു. ഇത് ക്യാൻസറിലേക്ക് നയിച്ചേക്കാവുന്ന കുടൽ വളർച്ചയുടെ(intestinal growths) സാധ്യത കുറയ്ക്കുന്നു.

ചിലർക്ക് സവാളയുടെ തീവ്ര ഗന്ധം അസഹനീയമാണ്. എന്നാൽ മനത്തിന്റെ തീവ്രത കൂടുംതോറും രോഗങ്ങളെ പ്രതിരോധിക്കാനുള്ള ശക്തിയും സവാളയിൽ കൂടുതലായിരിക്കും.

കൊളസ്ട്രോൾ കുറയ്ക്കാനും രക്തം നേർത്തതാക്കാനും കട്ടപിടിക്കുന്നത് തടയാനും ധമനികളുടെ കാഠിന്യം കുറയ്ക്കാനും സഹായിക്കുന്ന നിരവധി സംയുക്തങ്ങൾ ഉള്ളിയിൽ അടങ്ങിയിട്ടുണ്ട്. അതായത് രക്തചംക്രമണ വ്യൂഹത്തിന്റെ കാവലാളാണ് ചുരുക്കത്തിൽ സവാള. ചർമ്മം, നഖങ്ങൾ, മുടി വളർച്ചയുടെ പ്രധാന ഘടകമായ സൾഫർ അടങ്ങിയിരിക്കുന്ന സവാള എല്ലാ രീതിയിലും സഹായകരമാണ്. അലർജിയുടെ പ്രശ്നങ്ങൾക്കും പ്രതിവിധിയാണ് സവാള.

Read More: “കൊടും ക്രിമിനലാണവൻ, സൂക്ഷിക്കണം..”; ദുരൂഹതയുണർത്തി ആസിഫ് അലിയുടെ കൂമന്റെ ടീസറെത്തി

കാൻസർ കോശങ്ങൾ രൂപം കൊളളുന്നത് തടയാൻ കഴിയുന്ന ശക്തമായ ആന്റി ഓക്‌സിഡന്റായ ഫ്ലേവനോയ്ഡ് ക്വെർസെറ്റിൻ സവാളയിൽ ഉയർന്ന അളവിൽ അടങ്ങിയിട്ടുണ്ട്. പാചകം ചെയ്താലും ശവ്വാലയിൽ നിന്നും ഈ ആന്റി ഓക്സിഡന്റ്റ് നഷ്ടമാകില്ല. അതേപോലെതന്നെ വയറിലെ അൾസറിനും ഭക്ഷ്യവിഷബാധയ്ക്കും കാരണമാകുന്ന ഹെലിക്കോബാക്റ്റർ പൈലോറി ബാക്ടീരിയത്തിന്റെ പ്രവർത്തനത്തെയും സവാള തടയുന്നു.

Story highlights- benefits of onion

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!