‘നിങ്ങൾ കാത്തിരുന്ന കാഴ്‌ചയിതാ..’-14 വർഷങ്ങൾക്ക് ശേഷം വിജയ്‌യുടെ നായികയാകുന്ന സന്തോഷം പങ്കുവെച്ച് തൃഷ
ഏറെ നാളത്തെ കാത്തിരിപ്പിനൊടുവിൽ ‘ദളപതി 67’ എന്ന സിനിമയുടെ ടൈറ്റിൽ പ്രഖ്യാപിക്കാൻ ഒരുങ്ങുകയാണ്. ചിത്രത്തിന്റെ ഷൂട്ടിംഗ് കശ്മീരിൽ പുരോഗമിക്കുകയുമാണ്. ഫെബ്രുവരി ഒന്നിന് തൃഷ ചിത്രത്തിൽ നായികയായി എത്തിയിരിക്കുകയാണ്. 14 വർഷത്തെ ഇടവേളയ്ക്ക് ശേഷം വിജയ്‌യ്‌ക്കൊപ്പം നടി അഭിനയിക്കുന്നതിനാൽ പ്രഖ്യാപനത്തിന് ശേഷം സിനിമാ ആരാധകരും പ്രേക്ഷകരും സന്തോഷത്തിലായിരുന്നു. തൃഷയും വിജയും ഒന്നിക്കുന്ന അഞ്ചാമത്തെ ചിത്രമാണ് ഇത്.
14 വർഷങ്ങൾക്ക് ശേഷം വിജയ്‌യുടെ നായികയാകുന്ന സന്തോഷം തൃഷയും പങ്കുവെച്ചു. ‘ആഗ്രഹിച്ചവർക്കും കാത്തിരുന്നവർക്കുമായി, ഇത് നിങ്ങൾക്ക് വേണ്ടി..’ എന്ന ക്യാപ്ഷനൊപ്പമാണ് തൃഷ വിജയ്യ്‌ക്കൊപ്പമുള്ള ചിത്രം പങ്കുവെച്ചത്. പൂജ ചടങ്ങിൽ നിന്നുള്ള ചിത്രമാണ് നടി പങ്കുവെച്ചത്. ഗില്ലി എന്ന ചിത്രത്തിന്റെ ഓർമ്മകൾ ആരാധകർക്ക് സമ്മാനിച്ചുകൊണ്ടായിരുന്നു തൃഷയുടെ പ്രഖ്യാപനം.
സംവിധായകൻ ലോകേഷ് കനകരാജുമായി സഹകരിക്കുന്നതിൽ അഭിമാനവും സന്തോഷവുമുണ്ടെന്ന് ജനുവരി 30 ന് സിനിമാ നിർമ്മാതാക്കൾ ഔദ്യോഗിക പ്രഖ്യാപനം നടത്തിയിരുന്നു. ‘മാസ്റ്റർ’, ‘ബീസ്റ്റ്’ എന്നീ ചിത്രങ്ങൾക്ക് ശേഷം വിജയ്ക്കൊപ്പം ഇത് മൂന്നാം തവണയാണ് ഒരുമിച്ച് പ്രവർത്തിക്കുന്നതെന്നും കൂട്ടിച്ചേർത്തു.
വിജയ്, തൃഷ, സഞ്ജയ് ദത്ത്, അർജുൻ സർജ, ഗൗതം വാസുദേവ് മേനോൻ, മൻസൂർ അലി ഖാൻ, മിഷ്‌കിൻ, പ്രിയ ആനന്ദ്, സാൻഡി, മാത്യു തോമസ് തുടങ്ങിയവരാണ് ‘ദളപതി 67’ൽ അഭിനയിക്കുന്നത്. അനിരുദ്ധ് രവിചന്ദറാണ് ചിത്രത്തിന് സംഗീതം നൽകിയിരിക്കുന്നത്.
Story highlights- trisha about vijay