വേലിയേറ്റത്തിനനുസരിച്ച് വിമാനങ്ങൾ ഷെഡ്യൂൾ ചെയ്യുന്ന എയർപോർട്ട്; ഇത് ലോകത്തിലെ ഏക ബീച്ച് റൺവേ
വളരെ നിരപ്പായ പ്രദേശങ്ങളിലും സുരക്ഷിതമായ ഇടങ്ങളിലുമാണ് പൊതുവെ എയർപോർട്ടുകൾ നിർമിക്കാറുള്ളത്. ലോകത്ത് നിലവിലുള്ള എയർപോർട്ടുകൾ എല്ലാം അത്തരത്തിൽ നിർമിച്ചിട്ടുള്ളവയാണ്. എന്നാൽ, കടലിനോട് ചേർന്ന്, അല്ലെങ്കിൽ തീരത്ത് സ്ഥിതി ചെയ്യുന്ന എയർപോർട്ട് സ്‌കോട്ലാൻഡിൽ ആണ് ഉള്ളത്. ബാരയിലെ ഹെബ്രിഡിയൻ ദ്വീപിൽ സ്ഥിതി ചെയ്യുന്ന ലോകത്തിലെ ഏറ്റവും മനോഹരമായ വിമാനത്താവളങ്ങളിൽ ഒന്നാണ് ബാര എയർപോർട്ട്.
ഇവിടം യഥാർത്ഥത്തിൽ ഒരു കടൽത്തീരമാണ്. ഷെഡ്യൂൾ ചെയ്ത വിമാനങ്ങൾ ഒരു ബീച്ചിൽ നിന്നും പുറപ്പെടുകയും ലാൻഡ് ചെയ്യുകയും ചെയ്യുന്ന ലോകത്തിലെ ഒരേയൊരു വിമാനത്താവളമാണിത്. എയർപോർട്ടിന്റെ മൂന്ന് റൺവേകൾ ഉയർന്ന വേലിയേറ്റത്തിൽ പോലും മുങ്ങാറില്ല. 1933 ജൂൺ 14-ന് വിമാനങ്ങൾ കടൽത്തീരത്ത് നിന്നും പറക്കാൻ തുടങ്ങുന്നതുവരെ ബാരയുടെ വടക്കേ അറ്റത്തിനടുത്തുള്ള ട്രായ് മോറിന്റെ ഈ വിശാലമായ ആഴം കുറഞ്ഞ ഉൾക്കടൽ, ഒരുകാലത്ത് കക്കകൾക്ക് പേരുകേട്ടതായിരുന്നു. ബാര വിമാനത്താവളത്തിലേക്കും തിരിച്ചുമുള്ള ഷെഡ്യൂൾ ചെയ്ത വിമാന സർവീസുകൾ 1936 ഓഗസ്റ്റ് 7-ന് ആരംഭിക്കുകയായിരുന്നു.
കടൽത്തീരം മൂന്ന് റൺവേകളാൽ സജ്ജീകരിച്ചിരിക്കുന്നു. അവയുടെ അറ്റത്ത് മരത്തണ്ടുകളാൽ അടയാളപ്പെടുത്തിയിരിക്കുന്നു. ഉയർന്ന വേലിയേറ്റത്തിൽ, ഈ റൺവേകൾ കടലിൽ ഒളിക്കും. വേലിയേറ്റത്തിനനുസരിച്ച് ഫ്ലൈറ്റ് സമയം പതിവായി പുനഃക്രമീകരിക്കേണ്ടതുണ്ട്. എമർജൻസി നൈറ്റ് ലാൻഡിംഗ് ആവശ്യമാണെങ്കിൽ, റൺവേ പ്രകാശിപ്പിക്കാൻ വാഹന വിളക്കുകൾ ഉപയോഗിക്കുകയും ബീച്ചിൽ പ്രതിഫലിക്കുന്ന സ്ട്രിപ്പുകൾ സ്ഥാപിക്കുകയും ചെയ്യുന്നു.
Read Also: മൂന്നു പതിറ്റാണ്ടിന് ശേഷം ലോകസുന്ദരി മത്സരത്തിന് ആതിഥേയത്വം വഹിക്കാനൊരുങ്ങി ഇന്ത്യ
ഈ ബാര ബീച്ച് പൊതുജനങ്ങൾക്കായി തുറന്നാണ് പ്രവർത്തിക്കുന്നത്. ഇതിനുപുറമെ ഇത് കക്ക വാരാനുള്ള വളരെ ജനപ്രിയമായ സ്ഥലമാണ്. ബീച്ചിൽ വരുന്ന സന്ദർശകർക്ക് എയർപോർട്ട് പ്രവർത്തിക്കുന്നുണ്ടോ ഇല്ലയോ എന്ന് വിൻഡ് സോക്ക് പറക്കുന്നുണ്ടോ എന്ന് പരിശോധിച്ചാൽ അറിയാം. ബാരയിലേയ്‌ക്കോ പുറത്തേക്കോ പറക്കുന്നത് ഒരു വലിയ സാഹസികതയാണെന്ന് തോന്നുമെങ്കിലും, വിമാനത്താവളം മറ്റെവിടെയും പോലെ അതേ സുരക്ഷാ നിയമങ്ങൾക്ക് വിധേയമാണ്. സൗകര്യങ്ങളിൽ ആധുനിക അടിയന്തര സേവനങ്ങൾ ഉൾപ്പെടുന്നു.
Story highlights- BARRA AIRPORT,THE WORLD’S ONLY BEACH AIRPORT
