ഭാവനയിൽ മെനഞ്ഞെടുത്ത യക്ഷിക്കഥകളിലെ മാന്ത്രിക ഭവനം ഇതാ, ഇവിടുണ്ട്!
ട്രാൻസിൽവാനിയ അതിന്റെ കാർപാത്തിയൻ ലാൻഡ്‌സ്‌കേപ്പിന്റെ പ്രകൃതിദൃശ്യങ്ങൾക്കും അതിന്റെ സമ്പന്നമായ ചരിത്രത്തിനും പേരുകേട്ടതാണ്. ഒട്ടറെ ചരിത്രങ്ങൾ ഒളിഞ്ഞിരിക്കുന്ന ഈ ചരിത്ര ഭൂമിയിൽ
റൊമാനിയയുടെ ഹൃദയഭാഗത്ത് സ്ഥിതി ചെയ്യുന്ന ഒരു പരിസ്ഥിതി സുസ്ഥിര കോട്ടയാണ് “കാസ്റ്റലുൾ ഡി ലൂട്ട്”. ‘ഫെയറികളുടെ താഴ്‌വരയിലെ കളിമൺ കോട്ട’ എന്നാണ് ഈ കോട്ടയുടെ പേരിന്റെ അർഥം. കാടുകളും മലകളും വെള്ളവും കൊണ്ട് ചുറ്റപ്പെട്ട അസാധാരണമായ സൗന്ദര്യത്തിന്റെ ലാൻഡ്‌സ്‌കേപ്പിൽ വേറിട്ട കൗതുകമായി നിലനിൽക്കുന്ന ഒന്നാണ് ഈ കോട്ട.
കളിമണ്ണ്, മണൽ, വൈക്കോൽ, നദിയിൽനിന്നുള്ള കല്ല് തുടങ്ങിയ പ്രകൃതിദത്തവും പാരിസ്ഥിതികവുമായ വസ്തുക്കളാൽ മാത്രം നിർമ്മിച്ച കാസിൽ ഓഫ് ദി ഫെയറി, 2014-ൽ ഒരു റൊമാനിയൻ ദമ്പതികൾ നിർമ്മിച്ചതാണ്. അവർ നഗരത്തിന്റെ മടുപ്പിൽ നിന്നും വന്യതയാൽ ചുറ്റപ്പെട്ട ഒരു സ്ഥലത്ത് താമസിക്കാൻ തീരുമാനിച്ച് ഇവിടേക്ക് എത്തിയതായിരുന്നു. മലിനീകരിക്കപ്പെടാത്ത മനോഹരമായ പ്രകൃതിയാണ് ഇവിടുത്തെ പ്രത്യേകത. ഒരു പരിസ്ഥിതി സൗഹൃദ ഹോട്ടൽ സൃഷ്ടിക്കുക എന്നതായിരുന്നു ഇവരുടെ പ്രാരംഭ ആശയം.
Read also: ലണ്ടൻ മെട്രോയിൽ ‘ചയ്യ ചയ്യ’ നൃത്തവുമായി യുവാവ്- വിഡിയോ
പ്രാദേശിക ഉൽപ്പന്നങ്ങൾ മാത്രം നൽകുന്ന ഒരു റെസ്റ്റോറന്റുള്ള ഒരു ഫെയറി ടെയിൽ രൂപത്തിലുള്ള കോട്ട എന്നതായിരുന്നു അവരുടെ ആശയം. പക്ഷേ പദ്ധതി ഇപ്പോഴും തുടരുകയാണ്. എന്നിരുന്നാലും, ഈ ഘടനയുടെ അസാധാരണമായ ക്രമരഹിതമായ രൂപം ഇപ്പോഴും ലോകമെമ്പാടുമുള്ള ആയിരക്കണക്കിന് വിനോദസഞ്ചാരികളെ ആകർഷിക്കുന്നു, അവർ ഈ ഓലമേഞ്ഞ മേൽക്കൂരകളും കളിമൺ ഭിത്തികളും കാണാൻ വരുന്നു. ഒരാൾക്ക് ഏകദേശം 3 ഡോളർ എന്ന നിരക്കിൽ ഈ കാസിൽ സന്ദർശകർക്കായി തുറന്നിരിക്കുന്നു.
Story highlights- THE FAIRY HOUSE OF TRANSYLVANIA
