കമ്മ്യൂണിറ്റി റേഡിയോയിലൂടെ വളർന്ന ഒരു ഗ്രാമം; അവതാരകരായി ഗ്രാമീണരായ സ്ത്രീകൾ
റേഡിയോ എന്നത് ഇന്ത്യൻ ജനതയുടെ ഒരു വികാരം തന്നെയാണ്. കാലങ്ങൾക്ക് മുൻപ്, ഓരോ ഗ്രാമങ്ങളുടെയും ഒത്തുചേരലും ഐക്യവും പ്രകടമായിരുന്ന ഇടങ്ങളായിരുന്നു റേഡിയോ കേൾക്കുന്ന വീടുകളും വായനശാലകളും മറ്റും. ഒരു ഗ്രാമം തന്നെ ഒരു റേഡിയോയ്ക്ക് ചുറ്റും ഒത്തുകൂടിയിരുന്ന കാഴ്ച. പിന്നീട് ടെലിവിഷനിലേക്കും ഇന്റർനെറ്റ് സൗകര്യങ്ങളിലേക്കും ആളുകൾ ചേക്കേറിയപ്പോൾ റേഡിയോയുടെ പ്രൗഢി പോയ്മറഞ്ഞു. എന്നാൽ, പ്രാദേശിക റേഡിയോയിലൂടെ ഒരു ഗ്രാമത്തിൽ വലിയ മാറ്റങ്ങളും ഗ്രാമീണരുടെ പങ്കാളിത്തവും ഉറപ്പാക്കി ഇന്നും സജീവമായി നിലനിൽക്കുന്ന ഒന്നാണ് കമ്മ്യൂണിറ്റി റേഡിയോ സ്റ്റേഷനായ മൻ ദേശി തരംഗ് വാഹിനി.
സത്താര ജില്ലയിലെ മാൻ താലൂക്കിലെ 102 ഗ്രാമങ്ങളിൽ പ്രവർത്തിക്കുന്ന കമ്മ്യൂണിറ്റി റേഡിയോ സ്റ്റേഷനായ മൻ ദേശി തരംഗ് വാഹിനി ഗ്രാമീണരായ സ്ത്രീകളെ താരങ്ങളാക്കി മാറ്റി എന്ന് പറയാം. അതുപോലെ പഠനരംഗത്തും സമാനമായ സ്വാധീനങ്ങൾ ചെലുത്താൻ ഈ കമ്മ്യൂണിറ്റി റേഡിയോയ്ക്ക് സാധിച്ചു. 2008 നവംബർ മുതൽ ഈ മേഖലയിൽ പ്രക്ഷേപണം ചെയ്യുന്ന കമ്മ്യൂണിറ്റി റേഡിയോ സ്റ്റേഷനായ മൻ ദേശി തരംഗ് വാഹിനിയുടെ നിരവധി കമ്മ്യൂണിറ്റി സേവന സംരംഭങ്ങളിൽ ഒന്നായിരുന്നു സ്ത്രീകളെ പങ്കെടുപ്പിച്ചുകൊണ്ടുള്ള പരിപാടികൾ.വനിതാ സംരംഭകരുടെ വിജയഗാഥകൾ അതിൻ്റെ മാതൃസംഘടനയിൽ നിന്ന് പങ്കിടുക എന്ന ലക്ഷ്യത്തോടെയാണ് സ്റ്റേഷൻ ആരംഭിച്ചത്.
ഈ നാട്ടിലെ സാധാരണ പച്ചക്കറി വില്പനക്കാരിയും, വള വില്പനക്കാരിയും കർഷകരും വീട്ടമ്മമാരുമൊക്കെ റേഡിയോയിൽ പരിപാടികൾ അവതരിപ്പിക്കുന്നു. ഇവരിൽ പലരും സന്നദ്ധപ്രവർത്തകരായി പ്രവർത്തിക്കുകയും സംപ്രേഷണം ചെയ്യുന്ന ഉള്ളടക്കത്തിന് സംഭാവന നൽകുകയും ചെയ്യുന്നു. രാജ്യത്തിൻ്റെ വിവിധ കോണുകളിൽ നിശബ്ദമായി തഴച്ചുവളരുകയും പ്രദേശവാസികളുടെ ജീവിതത്തെ സമ്പന്നമാക്കുകയും ചെയ്യുന്ന ഒ റേഡിയോയെയാണ് മാൻ ദേശി പ്രതിനിധീകരിക്കുന്നത്. അടിസ്ഥാന സൗകര്യങ്ങളും കുറഞ്ഞ മൾട്ടിടാസ്‌കിംഗ് സ്റ്റാഫും ഉള്ള ചെറിയ മുറികളിൽ നിന്ന് പ്രവർത്തിക്കുന്ന ഈ സ്റ്റേഷനുകൾ ഗ്രാമീണ ഇന്ത്യയിലെ പ്രേക്ഷകർക്ക് പ്രസക്തവും പ്രധാനപ്പെട്ടതുമായ വിവരങ്ങൾ കൈമാറുന്നു.
കമ്മ്യൂണിറ്റി റേഡിയോയിലെ ഉള്ളടക്കത്തിൻ്റെ ഭൂരിഭാഗവും ശ്രോതാക്കൾക്ക് കൂടുതൽ രസകരമാക്കുന്നതിന് നാടകീയമായ വിവരണങ്ങൾ, ഹ്രസ്വ നാടകങ്ങൾ, സംഗീത പ്രകടനങ്ങൾ എന്നിവയുടെ രൂപത്തിലാണ് വരുന്നത്. മാൻ ദേശിയുടെ ഏറ്റവും പ്രശസ്തയായ റേഡിയോ ജോക്കി, 70 വയസ്സുള്ള കേരാബായിയാണ്. ഒരു മുൻ കർഷകയാണ് അവർ. ഇപ്പോൾ അവർ അന്ധവിശ്വാസങ്ങൾ മുതൽ പൗരപ്രശ്നങ്ങൾ വരെയുള്ള വിഷയങ്ങളിൽ പാട്ടുകൾ രചിക്കുകയും പാടുകയും ചെയ്യുന്നു.
കൃഷി, ബാങ്കിംഗ്, ആരോഗ്യം, സ്ത്രീകളുടെ അവകാശങ്ങൾ, സർക്കാർ പദ്ധതികൾ, മറ്റ് വിഷയങ്ങൾ എന്നിവയിലെ വിദഗ്ധരുമായി കമ്മ്യൂണിറ്റി സ്റ്റേഷനുകൾ പതിവ് ചോദ്യോത്തര വേളകൾ നടത്തുന്നു. പല കാര്യങ്ങളിലും ആശങ്കകൾ പങ്കുവെച്ച് നിരവധി കോളുകളും സാദാരണ നാട്ടുകാരിൽ നിന്നും ഇവർക്ക് ലഭിക്കുന്നുണ്ട്.
Story highlights- Satara Mann Deshi Tarang Vahini