സ്മൃതി മന്ദാനയ്ക്ക് വനിതാ ക്രിക്കറ്റർ ഓഫ് ദ ഇയർ പുരസ്കാരം
ഐസിസി വനിതാ ക്രിക്കറ്റർ ഓഫ് ദ് ഇയർ പുരസ്കാരം ഇന്ത്യൻ താരം സ്മൃതി മന്ദാന സ്വന്തമാക്കി. സ്മൃതി മന്ദാന തന്നെയാണ് ഐസിസിയുടെ ഈ വർഷത്തെ മികച്ച വനിതാ ഏകദിന താരവും.
22 കാരിയാണ് സ്മൃതി മന്ദാന. കളിക്കളത്തിൽ എന്നും തകർപ്പൻ ബാറ്റിങുകൊണ്ട് വിസ്മയങ്ങൾ സൃഷ്ടിക്കാറുണ്ട് താരം. ഐസിസിയുടെ ഈ വർഷത്തെ വനിതാ ഏകദിന ടീമിലും ട്വന്റി 20 ടീമിലും സ്മൃതി മന്ദാന ഉൾപ്പെട്ടിട്ടുണ്ട്.
12 ഏകദിനങ്ങളാണ് ഈ വർഷം സ്മൃതി മന്ദാന കളിച്ചത്. ഈ മത്സരങ്ങളിൽ നിന്നായി 66.90 റൺസ് ശരാശരിയിൽ669 റൺസും താരം നേടി. ഇതിനുപുറമെ 25 ട്വന്റി20 മത്സരങ്ങളിൽ നിന്നുമായി 622 റൺസും സ്മൃതി നേടിയിട്ടുണ്ട്. 130.67 ആണ് സ്മൃതി മന്ദാനയുടെ ട്വന്റി20 സ്ട്രൈക്ക് റേറ്റ്.
India's star batter Smriti Mandhana bags Rachael Heyhoe-Flint Award and Women's ODI Player of Year 2018! ?
READ ?https://t.co/7TLSe2pblG pic.twitter.com/h0GtsKKsYG
— ICC (@ICC) December 31, 2018
