ക്രൈം ത്രില്ലറുമായി റാണി മുഖർജി ; മർദാനി- 2 ട്രെയ്‌ലർ
2014- ൽ തിയേറ്ററുകളിൽ എത്തിയ മർദാനിയുടെ രണ്ടാം ഭാഗത്തിന്റെ ട്രെയ്‌ലർ എത്തി. മർദാനി 2- ൽ ശിവാനി റോയ് എന്ന പൊലീസ് ഓഫീസറുടെ വേഷത്തിലാണ് റാണി മുഖർജി എത്തുന്നത്. പെൺകുട്ടികളെ പീഡിപ്പിച്ച് കൊലപ്പെടുത്തുന്ന സീരിയൽ കില്ലറെ തേടുന്ന പൊലീസ് ഉദ്യോഗസ്ഥയാണ് റാണി മുഖർജിയുടെ ശിവാനി റോയ് എന്ന കഥാപാത്രം.
ഗോപി പുത്രൻ സംവിധാനം ചെയ്യുന്ന ചിത്രത്തിൽ ശ്രുതി ബാപ്‌നാ, രാജേഷ് ശർമ തുടങ്ങിയവർ വേഷമിടുന്നു. 1996- ൽ സിനിമ ലോകത്തേക്ക് എത്തിയ നടിയാണ് റാണി മുഖർജി. ‘നോ വൺ കിൽഡ് ജെസ്സിക്ക’, ‘തലാഷ്’, ‘മർദാനി’, ‘ഹിച്കി’ തുടങ്ങിയ ഹിറ്റ് ചിത്രങ്ങളിലാണ് അടുത്ത കാലങ്ങളിലായി റാണി മുഖർജി അഭിനയിച്ചത് .
Read more :സുഖമായി ഉറങ്ങാൻ എളുപ്പ വഴികൾ
ഹിച്കി ആണ് അവസാനമായി റിലീസ് ചെയ്ത ചിത്രം. സിനിമയിലെ ഒരു വലിയ ഇടവേളയ്ക്ക് ശേഷം എത്തിയ റാണി മുഖർജി സ്ത്രീ കേന്ദ്രീകൃത സിനിമകളിലാണ് കൂടുതലായും അഭിനയിക്കുന്നത്.
