നടന്‍ എസ് പി ശ്രീകുമാറും നടി സ്‌നേഹയും വിവാഹിതരായി; ചിത്രങ്ങള്‍ കാണാം
December 11, 2019
ടെലിവിഷന്‍ സ്‌ക്രീനുകളിലൂടെ പ്രേക്ഷകര്‍ക്ക് സുപരിചിതരായ നടി സ്‌നേഹയും നടന്‍ എസ് പി ശ്രീകുമാറും വിവാഹിതരായി.
തൃപ്പൂണിത്തറ പൂര്‍ണത്രയീശന്‍ ക്ഷേത്രത്തില്‍ വെച്ചായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹ ചടങ്ങില്‍ പങ്കെടുത്തത്.
എസ് പി ശ്രീകുമാറും സ്‌നേഹയും വിവാഹിതരാകുന്നുവെന്ന വാര്‍ത്ത നേരത്തെ പുറത്തെത്തിയിരുന്നു. ടെലിവിഷന്‍ പരിപാടികളിലൂടെ പ്രേക്ഷക സ്വീകാര്യത നേടിയ ശ്രീകുമാര്‍ നിരവധി സിനിമകളിലും അഭിനയിച്ചിട്ടുണ്ട്.
ജിത്തു ജോസഫ് സംവിധാനം നിര്‍വ്വഹിച്ച ‘മെമ്മറീസ്’ എന്ന ചിത്രത്തില്‍ ശ്രീകുമാര്‍ അവതരിപ്പിച്ച വില്ലന്‍ കഥാപാത്രം ചലച്ചിത്രലോകത്ത് ഏറെ ശ്രദ്ധിക്കപ്പെട്ടിരുന്നു.
