എന്റമ്മോ എന്താ ഒരു എക്‌സ്പ്രഷൻ; ഹൃദയം കീഴടക്കി ഒരു കുട്ടി സംഗീത ബാൻഡ്, ക്യൂട്ട് വീഡിയോ
കുട്ടികുരുന്നുകളുടെ പാട്ടിനും ഡാൻസിനുമൊക്കെ ആരാധകർ ഏറെയാണ്. നിഷ്കളങ്കതയും കഴിവും ഒത്തുചേരുന്ന ഒരു ഇടമാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. ഒരു കുട്ടി സംഗീത ബാൻഡ്. ഗായകൻ ശങ്കർ മഹാദേവനാണ് ഈ കുട്ടി ബാൻഡിനെ സമൂഹമാധ്യമങ്ങളിൽ പരിചയപ്പെടുത്തുന്നത്.
മൂന്ന് കുട്ടി സംഗീതജ്ഞരാണ് ഈ വീഡിയോയിലെ താരങ്ങൾ. മനോഹരമായ പാട്ടിനൊപ്പം കൈയിൽ പിടിച്ചിരിക്കുന്ന വടി ഉപയോഗിച്ച് ഗിറ്റാർ വായിക്കുന്നതും ദൃശ്യങ്ങളിൽ കാണാം. വളരെ ആസ്വദിച്ച് ഉർജ്ജസ്വലതയോടെ പാട്ട് പാടുന്ന കുട്ടികുറുമ്പന്മാർ ഗാനത്തിന് ശേഷം നന്ദി പറയുന്നതും വീഡിയോയിൽ കാണുന്നുണ്ട്.
എന്തായാലും ശങ്കർ മഹാദേവൻ പങ്കുവച്ചിരിക്കുന്ന ഈ വീഡിയോ കണ്ട് നിരവധി ആളുകളാണ് ഈ കുട്ടി ഗായകരെ പ്രശംസിച്ചുകൊണ്ട് രംഗത്തുവരുന്നത്. ഇത് എക്കാലത്തെയും മികച്ച സംഗീത ബാൻഡ് ആണെന്ന് കരുതുന്നുവെന്ന് പറഞ്ഞുകൊണ്ടാണ് ശങ്കർ വീഡിയോ പങ്കുവച്ചിരിക്കുന്നത്.
