പാസ്‌പോര്‍ട്ടിന്റെ കാലാവധി തീരാറാകുമ്പോള്‍ ഇനിമുതല്‍ ഉടമകള്‍ക്ക് പ്രത്യേക എസ്എംഎസ്
January 28, 2020
പാസ്‌പോര്‍ട്ടിന്റെ കാലാവധി തീരാറുകുമ്പോള്‍ ഇനി മുതല്‍ ഉടമകള്‍ക്ക് പ്രത്യേക എസ്എംഎസ് ലഭിക്കും. വിദേശകാര്യ മന്ത്രാലയത്തിന്റെ ജനസേവന നയത്തിന്റെ ഭാഗമായാണ് പുതിയ നടപടി.
പാസ്‌പോര്‍ട്ടിന്റെ കാലാവധി തീരാറാകുമ്പോള്‍ അക്കാര്യം പാസ്‌പോര്‍ട്ട് സേവാ കേന്ദ്രങ്ങളും പാസ്‌പോര്‍ട്ട് ഓഫീസുകളുമാണ് യഥാസമയം ഉടമകളെ അറിയിക്കുക. പാസ്‌പോര്‍ട്ട് പുതുക്കേണ്ട തീയതി പലരും മറന്നുപോകുന്ന സാഹചര്യത്തിലാണ് എസ്എംഎസ് അയച്ച് ഓര്‍മ്മപ്പെടുത്താന്‍ തീരുമാനിച്ചിരിക്കുന്നത്.
പുതിയ തീരുമാനപ്രകാരം പാസ്‌പോര്‍ട്ടിന്റെ കാലാവധി തീരാറായ ഉടമകള്‍ക്ക് രണ്ട് എസ്എംഎസുകളാണ് ലഭിക്കുക. ആദ്യത്തെ എസ്എംഎസ് ഒമ്പത് മാസം മുമ്പും രണ്ടാമത്തേത് ഏഴുമാസം മുമ്പുമായിരിക്കും ലഭിക്കുക.
