കൊല്ലത്ത് വീട്ടുമുറ്റത്തു കളിച്ചുകൊണ്ടിരുന്ന കുട്ടിയെ കാണാതായി

വീട്ടുമുറ്റത്ത് കളിച്ചുകൊണ്ടിരുന്ന പെണ്‍കുട്ടിയെ കാണാതായി. കൊല്ലം ജില്ലയിലെ പള്ളിമണ്‍ ഇളവൂര്‍ സ്വദേശിനിയാണ്. ദേവനന്ദ എന്നാണ് പേര്. ആറ് വയസ്സാണ് കുട്ടിയുടെ പ്രായം. പ്രദേശത്ത് പൊലീസും ഫയര്‍ഫോഴ്‌സും ചേര്‍ന്ന് തെരച്ചില്‍ നടത്തുന്നുണ്ട്.

പള്ളിമണ്‍ പുലിയില ഇളവൂര്‍ സ്വദേശികളായ പ്രദീപ്-ധന്യ ദമ്പതികളുടെ മകളാണ് ദേവനന്ദ. മുറ്റത്ത് കളിച്ചുകൊണ്ടിരുന്ന കുട്ടിയെ രാവിലെ 10.30-നാണ് കാണാതാവുന്നത്. കുട്ടിയുടെ അമ്മ തുണി അലക്കിക്കൊണ്ടിരിക്കുകയായിരുന്നു.

കുട്ടിയുടെ വീടിന് സമീപത്തുള്ള ക്ഷേത്രത്തില്‍ ഉത്സവ ചടങ്ങുകള്‍ നടക്കുകയാണ്. ഉത്സവത്തോട് അനുബന്ധിച്ച് ദേവനന്ദ സ്‌കൂളില്‍ നിന്നും അവധിയെടുക്കുകയായിരുന്നു. ക്ഷേത്ര കമ്മറ്റിക്കാരും നാട്ടുകാരും ഉള്‍പ്പെടെ കുട്ടിയ്ക്കായി തെരച്ചില്‍ നടത്തുന്നുണ്ട്.

കണ്ടുകിട്ടുന്നവര്‍ ബന്ധപ്പെടേണ്ട ഫോണ്‍ നമ്പര്‍- 0474 2566366