ഇരുന്ന് പഠിക്കാന്‍ ഒരു പഴയ കസേര ചോദിച്ചെത്തി; പുതിയ രണ്ടെണ്ണം വാങ്ങി നല്‍കി പൊലീസ് ഉദ്യോഗസ്ഥര്‍
നിഷ്‌കളങ്കമായ ഒരു ആവശ്യവുമായിട്ടായിരുന്നു ആ ആറാം ക്ലാസുകാരന്‍ ചേര്‍ത്തല ഡി.വൈ.എസ്.പി ഓഫീസിലെത്തിയത്. ഇരുന്ന് പഠിക്കാന്‍ ഒരു പഴയ കസേര വേണമായിരുന്നു ഈ ബാലന്. എന്നാല്‍ പൊലീസ് ഉദ്യോഗസ്ഥര്‍ പുതിയ രണ്ട് കസേരകള്‍തന്നെ വാങ്ങി നല്‍കി.
ചേര്‍ത്തല ആയുര്‍വേദ ആശുപത്രിക്ക് സമീപത്താണ് ഈ ബാലന് താമസിക്കുന്നത്. തന്റെ വീട്ടിലെ കസേര ഒടിഞ്ഞുപോയപ്പോള്‍ ഡി.വൈ.എസ്.പി ഓഫീസിന് സമീപത്തു കൂട്ടിയിട്ടിരുന്ന പഴയ കസേര ചോദിച്ച് ആറാംക്ലാസുകാരന്‍ എത്തുകയായിരുന്നു.
Read more: ഓട്ടോഡ്രൈവര്‍ ഹൃദയങ്ങള്‍ കീഴടക്കിയ നടനായപ്പോള്‍…; പ്രിയ ‘മണിനാദം’ നിലച്ചിട്ട് നാല് വര്‍ഷം
ബാലന്റെ ആവശ്യംകേട്ട് ആദ്യം അമ്പരന്നെങ്കിലും പൊലീസ് ഉദ്യോഗസ്ഥര്‍ അവനോട് കാര്യങ്ങള്‍ വിശദമായി ചോദിച്ചറിഞ്ഞു. ശേഷം അടുത്ത ദിവസം വരാന്‍ പറഞ്ഞ് ബാലനെ മടക്കി അയച്ചു. പിറ്റേന്ന് ഓഫീസിലെത്തിയ ബാലന് രണ്ട് പുതിയ കസേരകള്‍ സമ്മാനിക്കുകയായിരുന്നു ഉദ്യോഗസ്ഥര്‍. വാഹനത്തില്‍ കസേരകള്‍ വീട്ടിലെത്തിച്ചു നല്‍കുകയും ചെയ്തു.
