കാത്തിരിപ്പ് വിഫലം; ബോളിവുഡ് താരം ഇര്‍ഫാന്‍ ഖാന് അന്തരിച്ചു
April 29, 2020
പ്രശസ്ത ബോളിവുഡ് ചലച്ചിത്രതാരം ഇര്‍ഫാന്‍ ഖാന് അന്തരിച്ചു.പ്രശസ്ത ബോളിവുഡ് ചലച്ചിത്രതാരം ഇര്‍ഫാന്‍ ഖാന് അന്തരിച്ചു. 53 വയസ്സായിരുന്നു പ്രായം. വന്‍കുടലിലെ അണുബാധയെ തുടര്‍ന്ന് ചികിത്സയിലായിരുന്നു താരം.
മുംബൈ കോകിലാബെന്‍ ധീരുഭായ് അംബാനി ആശുപത്രിയില്‍വെച്ചായിരുന്നു അന്ത്യം. ആരോഗ്യ നില വഷളായതിനെ തുടര്‍ന്ന് കഴിഞ്ഞ ദിവസമാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്.
2018-ല്‍ ഇര്‍ഫാന്‍ ഖാന് ന്യൂറോ എന്‍ഡോക്രൈന്‍ ട്യൂമര്‍ കണ്ടെത്തിയിരുന്നു. ദീര്‍ഘനാളത്തെ ചികിത്സയ്ക്ക് ശേഷം താരം വീണ്ടും അഭിനയരംഗത്ത് പ്രവേശിച്ചിരുന്നു. ‘അംഗ്രേസി മീഡിയ’മാണ് ഇര്‍ഫാന്‍ ഖാന്റേതായി അടുത്തിടെ പുറത്തിറങ്ങിയ ചിത്രം.
ഇര്‍ഫാന്‍ ഖാന്റെ മാതാവ് സഈദ ബീഗം കഴിഞ്ഞ ശനിയാഴ്ച മരണത്തിന് കീഴടങ്ങിയിരുന്നു.
