‘ശരിക്കും ക്യാമറയെ മിസ് ചെയ്യുന്നു’- ടിക്ക് ടോക്കിൽ സജീവമായി തൃഷ
April 21, 2020
തമിഴ് താരമെങ്കിലും തെന്നിന്ത്യയുടെ ഭാഗ്യ നായികയാണ് നടി തൃഷ. തമിഴ്, തെലുങ്ക് തുടങ്ങി മലയാളത്തിലും വർഷങ്ങളായി സജീവമാണ് നടി. ഇപ്പോൾ തന്റെ രണ്ടാമത്തെ മലയാള ചിത്രമായ ‘റാം’ ഷൂട്ടിംഗ് പുരോഗമിക്കുന്നതിനിടയിലാണ് ലോക്ക് ഡൗൺ വെല്ലുവിളിയായത്.
21 വർഷമായി സിനിമയിൽ സജീവമായ തൃഷ ഇപ്പോൾ ക്യാമറയെ വല്ലാതെ മിസ് ചെയ്യുന്നുണ്ടെന്ന് പറയുന്നു. അതുകൊണ്ട് തന്നെ ടിക്ക് ടോക്കിലാണ് നടി ഇപ്പോൾ സജീവം.
ക്യാമറയെ മിസ് ചെയ്യുന്നു എന്ന അടിക്കുറിപ്പോടെയാണ്‌ രസകരമായ ടിക്ക് ടോക്ക് വീഡിയോകൾ നടി ചെയ്യുന്നത്. ലോക്ക് ഡൗൺ കാരണം നിരവധി താരങ്ങളാണ് ആരാധകരോട് അടുപ്പം കാത്തുസൂക്ഷിക്കാനും സജീവമായിരിക്കാനും ടിക്ക് ടോക്കിലേക്ക് ചേക്കേറിയിരിക്കുന്നത്.
