രണ്ട് വീടുകളുടെ ടെറസുകള്‍ ഒരു ടെന്നീസ് കോര്‍ട്ടാക്കി പെണ്‍കുട്ടികള്‍; ലോക്ക് ഡൗണ്‍ കാഴ്ച
കൊവിഡ് 19-നെതിരെയുള്ള പ്രതിരോധ പ്രവര്‍ത്തനങ്ങളുടെ ഭാഗമായി ഇന്ത്യയടക്കം നിരവധി രാജ്യങ്ങളാണ് ലോക്ക് ഡൗണ്‍ പ്രഖ്യാപിച്ചിരിക്കുന്നത്. ഇതോടെ ഭൂരിഭാഗം ആളുകളും വീടുകളില്‍തന്നെ കഴിയുന്നു. സിനിമാ തിയേറ്ററുകളും കളിക്കളങ്ങളുമെല്ലാം നിശ്ചലമായതോടെ ബോറഡി മാറ്റാന്‍ ക്രിയാത്മകമായി പല വിനോദങ്ങളും കണ്ടെത്തുന്നു വീട്ടിലിരുന്ന് പലരും.
സമൂഹമാധ്യമങ്ങളില്‍ ശ്രദ്ധ നേടുകയാണ് ലോക്ക് ഡൗണ്‍ കാലത്തെ ടെന്നീസ് കളി. രണ്ട് വീടുകളുടെ ടെറസിലിരുന്നാണ് രണ്ട് പെണ്‍കുട്ടികള്‍ ടെന്നീസ് കളിക്കുന്നത്. ഇറ്റലിയിലെ ലിഗ്വേരിയയില്‍ നിന്നുള്ളതാണ് ഈ ദൃശ്യങ്ങള്‍. വിക്ടോറിയ, കരോള എന്നീ പെണ്‍കുട്ടികളാണ് വീടുകളുടെ ടെറസുകള്‍ ടെന്നീസ് കോര്‍ട്ടാക്കി മാറ്റിയത്.
പെണ്‍കുട്ടികളുടെ ഈ വീഡിയോയ്ക്ക് സമൂഹമാധ്യമങ്ങളില്‍ കാഴ്ചക്കാര്‍ ഏറെയാണ്. കൊവിഡ് 19-ന്റെ പശ്ചാത്തലത്തില്‍ മാര്‍ച്ച് 10 മുതല്‍ ലോക്ക് ഡൗണിലാണ് ഇറ്റലി. മെയ് 3 വരെയാണ് ലോക്ക് ഡൗണ്‍ പ്രഖ്യാപിച്ചിരിക്കുന്നത്.
En Italie, le confinement donne des idées ! Partie de tennis entre Vittoria Oliveri e Carola Pessina sur les toits de Finale, en Ligurie #ItaliansDoItBetter pic.twitter.com/hDRG0DBttE
— Arman Soldin (@arman_soldin) April 18, 2020
