സംസ്ഥാനത്ത് നാളെ മുതൽ മാസ്ക് നിർബന്ധം; നിർദ്ദേശം ലംഘിച്ചാൽ വൻ പിഴ
April 29, 2020
സംസ്ഥാനത്ത് നാളെ മുതൽ പൊതുസ്ഥലങ്ങളിൽ മാസ്ക് ധരിക്കുന്നത് നിർബന്ധമാക്കി. നിർദ്ദേശം ലംഘിച്ചാൽ കനത്ത പിഴ ഈടാക്കുമെന്നും ഡിജിപി ലോക്‌നാഥ്‌ ബെഹ്‌റ. വീട്ടിൽ നിന്ന് പുറത്ത് ഇറങ്ങുന്നവരെല്ലാവരും മാസ്കോ തുണിയോ ഉപയോഗിച്ച് മുഖം മറച്ചിരിക്കണം. ഇളവുകൾ ഉള്ള സ്ഥലങ്ങളിൽ ഉള്ളവർക്കും ഇത് ബാധകമാണ്.
അതേസമയം ചില ജില്ലകളിൽ നേരത്തെ മാസ്ക് നിർബന്ധമാക്കിയിരുന്നു. വയനാട്ടിൽ മാസ്ക് ധരിക്കാത്തവർക്ക് 5000 രൂപ വരെയാണ് പിഴ. തിരുവനന്തപുരം എറണാകുളം ജില്ലകളിലും നേരത്തെ മാസ്ക് നിർബന്ധമാക്കിയിരുന്നു.
നാളെ മുതൽ കർശന പരിശോധനയും പിഴയും സംസ്ഥാനത്ത് വ്യാപകമാക്കും. ഇത് സംബന്ധിച്ച് ഉത്തരവ് ഉടൻ പുറത്തിറക്കും
