ബോളിവുഡ് താരം ഋഷി കപൂർ അന്തരിച്ചു

പ്രശസ്ത ബോളിവുഡ് താരം ഋഷി കപൂർ അന്തരിച്ചു.ദീർഘ കാലമായി അർബുദ ചികിത്സയിലായിരുന്നു. 67 വയസായിരുന്നു. ശ്വാസതടസത്തെ തുടർന്ന് ആശുപത്രിയിൽ പ്രവേശിച്ചിപ്പിരിക്കുകയായിരുന്നു.

മുൻപ് ഒരു വർഷത്തോളം അർബുദ ചികിത്സയ്ക്കായി വിദേശത്തായിരുന്നു. കഴിഞ്ഞ സെപ്റ്റംബറിലാണ് യു എസിലെ ചികിത്സ പൂർത്തിയാക്കി മടങ്ങിയെത്തിയത്.

ബോളിവുഡ് താരം രൺബീർ കപൂർ മകനാണ്. പൃഥ്വിരാജ് കപൂറിന്റെ ചെറുമകനും നടനും സംവിധായകനുമായ രാജ് കപൂറിന്റെ മകനുമാണ് ഋഷി കപൂർ.