ടോം ആന്‍ഡ് ജെറി സംവിധായകന്‍ യൂജീന്‍ മെറില്‍ ഡീച്ച് അന്തരിച്ചു
April 20, 2020
ടോം ആന്‍ഡ് ജെറി, പോപേയ് തുടങ്ങിയ ആനിമേഷന്‍ ചിത്രങ്ങളുടെ സംവിധായകന്‍ യൂജീന്‍ മെറില്‍ ഡീച്ച് മരണത്തിന് കീഴടങ്ങി. 95 വയസ്സായിരുന്നു പ്രായം. വാര്‍ധക്യ സഹജമായ അസുഖങ്ങളെതുടര്‍ന്നായിരുന്നു അന്ത്യം.
ഓസ്‌കര്‍ ജേതാവായ യൂജീന്‍ ടോം ആന്‍ഡ് ജെറി ഫിലിം സീരീസിലെ 13 ചിത്രങ്ങളും പോപേയ് ദ് സെയിലര്‍ പരമ്പരയിലെ ചിത്രങ്ങളില്‍ ചിലതും സംവിധാനം ചെയ്തിട്ടുണ്ട്. മണ്‍റോ എന്ന ആനിമേറ്റഡ് ഷോര്‍ട്ട് ഫിലിമിനാണ് അദ്ദേഹത്തിന് ഓസ്‌കര്‍ പുരസ്‌കരാം ലഭിച്ചത്.
വ്യോമസേനയില്‍ പൈലറ്റായും യൂജീന്‍ സേവനം അനുഷ്ഠിച്ചിട്ടുണ്ട്. തുടര്‍ന്നാണ് ആനിമേഷന്‍, ഇലസ്‌ട്രേഷന്‍ രംഗത്ത് സജീവമായത്. 1924-ലായിരുന്നു ജനനം.
