മണിക്കൂറുകൾക്കുള്ളിൽ ആരോഗ്യപ്രവർത്തകർക്കായി 2500 പി പി ഇ കിറ്റുകളും 16 ലക്ഷം രൂപയും സമാഹരിച്ച് വിദ്യ ബാലൻ

പലവിധത്തിലുള്ള സഹായങ്ങളാണ് ഈ കൊവിഡ് കാലത്ത് ജനങ്ങൾക്കായി ചെയ്യുന്നത്. സംഭവനയ്ക്ക് പുറമെ മറ്റ് സഹായങ്ങളും താരങ്ങൾ എത്തിക്കുന്നുണ്ട്. കഴിഞ്ഞ ദിവസമാണ് നടി വിദ്യ ബാലൻ 1000 പി പി ഇ കിറ്റുകള്‍ക്കായി പണം സ്വരൂപിക്കുന്നതായും എല്ലാവരും സഹകരിക്കണമെന്നും വീഡിയോയിലൂടെ അറിയിച്ചത്.

എന്നാൽ മണിക്കൂറുകൾക്കുള്ളിൽ വിദ്യയെ തേടി എത്തിയത് 2500ലധികം പി പി ഇ കിറ്റുകൾ ആയിരുന്നു. മാത്രമല്ല, 16 ലക്ഷം രൂപയും താരം സമാഹരിച്ചു.

രാജ്യത്ത് ഉടനീളമുള്ള ആരോഗ്യപ്രവർത്തകർക്കയാണ് വിദ്യ ബാലൻ പി പി ഇ കിറ്റുകൾ സമാഹരിച്ചത്. ഓരോ കിറ്റും ഒരു ജീവന്‍ രക്ഷിക്കുന്നു എന്നു വ്യക്തമാക്കിയാണ് വിദ്യ വീഡിയോ പങ്കുവെച്ചത്.