പ്രഭാസിന്റെ ആദിപുരുഷിൽ സീതയായി കീർത്തി സുരേഷ്
ബാഹുബലിയുടെ ഗംഭീര വിജയത്തോടെ താരമൂല്യം വർധിച്ചത് പ്രഭാസിനാണ്. അഞ്ചു വർഷങ്ങൾ മറ്റുള്ള സിനിമകൾ ചെയ്യാതെ ബാഹുബലിക്ക് വേണ്ടി മാത്രമായി മാറ്റിവെച്ചെങ്കിലും ചിത്രത്തിന്റെ വിജയത്തോടെ പ്രഭാസിന്റെ തേടിവരുന്നത് ബ്രഹ്മാണ്ഡ പ്രോജക്ടുകളാണ്. സയൻസ് ഫിക്ഷൻ ചിത്രത്തിലൂടെ ബോളിവുഡിലേക്കും ചുവടുവയ്ക്കുന്ന പ്രഭാസ് നായകനാകുന്ന പുതിയ ചിത്രമാണ് ആദിപുരുഷ്.
ബിഗ് ബജറ്റിൽ ഒരുങ്ങുന്ന ചിത്രത്തിൽ രാമായണ കഥയാണ് പങ്കുവയ്ക്കുന്നതെന്നാണ് സൂചന. പ്രഭാസ് രാമനായി എത്തുമ്പോൾ സീതയായി കീർത്തി സുരേഷാണ് എത്തുന്നതെന്ന് റിപ്പോർട്ടുകൾ. ഇക്കാര്യത്തിൽ ചിത്രത്തിന്റെ അണിയറ പ്രവർത്തകരിൽ നിന്നും ഔദ്യോഗിക സ്ഥിരീകരണമൊന്നും ഉണ്ടായിട്ടില്ല.
അതേസമയം, കീർത്തിയുടേതായി ബിഗ് ബജറ്റ് ചിത്രങ്ങളാണ് അണിയറയിൽ ഒരുങ്ങുന്നത്. മഹേഷ് ബാബു ചിത്രം സര്‍ക്കാരു വാരി പാട, സാനി കായിദം, ഗുഡ് ലക്ക് സഖി തുടങ്ങിയ സിനിമകളാണ് പുറത്തിറങ്ങാനുള്ളത്.
Read More: ഇന്ത്യയിൽ ഏറ്റവും ആകർഷകത്വമുള്ള 50 പുരുഷന്മാരിൽ ആറാം സ്ഥാനം സ്വന്തമാക്കി ദുൽഖർ സൽമാൻ
തന്‍ഹാജിയുടെ സംവിധായകനായ ഓം റൗത്താണ് ആദിപുരുഷ് സംവിധാനം ചെയ്യുന്നത്. പ്രഭാസിന്റെ സാഹോ, രാധേ ശ്യാം എന്നീ ചിത്രങ്ങളുടെ നിര്‍മ്മാതാവ് ഭുഷന്‍ കുമാറാണ് ആദിപുരുഷും നിര്‍മ്മിക്കുന്നത്.
Story highlights- keerthy suresh to join prabhas movie
