25 വർഷങ്ങൾക്ക് മുൻപുള്ള ഞാൻ; വൈറലായി പൂർണിമയുടെ പഴയകാല ചിത്രം
മലയാള സിനിമ പ്രേമികളുടെ ഇഷ്ട താരദമ്പതികളാണ് ഇന്ദ്രജിത് സുകുമാരനും പൂർണിമ ഇന്ദ്രജിതും. അഭിനയത്തിന് പുറമെ സമൂഹ മാധ്യമങ്ങളിലും സജീവ സാന്നിധ്യമായ ഇരുവരുടെയും ഓരോ വിശേഷങ്ങളും ഏറെ ആവേശത്തോടെയാണ് ആരാധകർ സ്വീകരിക്കാറുള്ളത്. ഇപ്പോഴിതാ പൂർണിമ ഇൻസ്റ്റഗ്രാമിൽ പങ്കുവച്ച പഴയ കാല ചിത്രമാണ് ഏറെ കൗതുകം ഉണർത്തുന്നത്.
25 വർഷങ്ങൾക്ക് മുൻപ് തന്നെക്കുറിച്ച് പത്രത്തിൽ വന്ന ഒരു വാർത്തയുടെ കുറിപ്പാണ് താരം പങ്കുവെച്ചിരിക്കുന്നത്. പാമ്പാക്കുടയില്‍ നടന്ന ബാല ജനസഖ്യം മധ്യമേഖലാ ബാലികാ സമ്മേളനത്തില്‍ മികച്ച ക്യാംപ് അംഗമായി പൂര്‍ണിമ തിരഞ്ഞെടുക്കപ്പെട്ടതിന്റെ വാർത്തയും ചിത്രവുമാണ് താരം ആരാധകർക്കായി പങ്കുവെച്ചിരിക്കുന്നത്. അതേസമയം താരം സമൂഹ മാധ്യമങ്ങളിൽ ഇടയ്ക്കിടെ പഴയകാല ചിത്രങ്ങൾ പങ്കുവെക്കാറുണ്ട്. അടുത്തിടെ പത്താം ക്ലാസിൽ പഠിക്കുന്ന കാലത്തുള്ള ചിത്രവും താരം പങ്കുവെച്ചിരുന്നു. ഇതിനും മികച്ച പ്രതികരണങ്ങളാണ് ലഭിച്ചത്.
Read also:കേന്ദ്ര കഥാപാത്രങ്ങളായി കാര്‍ത്തിയും പാര്‍ഥിപനും; ‘അയ്യപ്പനും കോശിയും’ തമിഴ് റീമേക്ക് ഒരുങ്ങുന്നു
വിവാഹത്തിന് ശേഷം അഭിനയത്തിൽനിന്നും വിട്ടുനിന്ന പൂർണിമ വെള്ളിത്തിരയിലേക്ക് തിരിച്ചെത്തിയ ചിത്രമാണ് ആഷിഖ് അബു സംവിധാനം ചെയ്ത വൈറസ്. പതിനേഴ് വർഷങ്ങൾക്ക് ശേഷമാണ് താരം വൈറസിലൂടെ സിനിമയിലേക്ക് തിരികെ എത്തിയത്. ഇപ്പോൾ ‘തുറമുഖ’ത്തിലും അഭിനയിച്ചു കഴിഞ്ഞു താരം. മികച്ച സംരംഭകയ്ക്കുള്ള കേരള സർക്കാർ പുരസ്കാരവും അടുത്തിടെ പൂർണിമ സ്വന്തമാക്കിയിരുന്നു.
Story Highlights: poornima shares old picture goes viral
