കേരളാ രാജ്യാന്തര ചലച്ചിത്രമേള അടുത്ത വര്‍ഷം ഫെബ്രുവരിയില്‍
ഇരുപത്തിയഞ്ചാമത് കേരളാ രാജ്യാന്തര ചലച്ചിത്രമേള (ഐഎഫ്എഫ്‌കെ) അടുത്ത വര്‍ഷത്തേക്ക് മാറ്റി. സാധാരണ നവംബറില്‍ നടക്കുന്ന ചലച്ചിത്രമേള 2021 ഫെബ്രുവരിയിലേക്കാണ് മാറ്റിയിരിക്കുന്നത്. കൊവിഡ് പ്രതിസന്ധി കണക്കെലെടുത്താണ് കേരളാ ചലച്ചിത്ര അക്കാദമിയുടെ തീരുമാനം.
2021 ഫെബ്രുവരി 12 മുതല്‍ 19 വരെ ചലച്ചിത്രമേള നടത്താനാണ് നിലവില്‍ തീരുമാനിച്ചിരിക്കുന്നത്. എങ്കിലും അപ്പോത്തെ കൊവിഡ് സാഹചര്യം കണക്കിലെടുത്തായിരിക്കും നടത്തിപ്പ്. കേരള സംസ്ഥാന ചലച്ചിത്ര അക്കാദമി ഇക്കാര്യം ഔദ്യോഗിക ഫേസ്ബുക്ക് പേജിലൂടേയും പങ്കുവെച്ചിട്ടുണ്ട്.
അതേസമയം തീയതി പ്രഖ്യാപിച്ചതിനോടൊപ്പം തന്നെ മേളയിലേക്കുള്ള ചലച്ചിത്രങ്ങളും ക്ഷണിച്ചിട്ടുണ്ട്. 2019 സെപ്റ്റംബര്‍ ഒന്നിനും 2020 ഓഗസ്റ്റ് 31 നും ഇടയില്‍ പൂര്‍ത്തീകരിച്ച ചിത്രങ്ങള്‍ക്കായിരിക്കും അവസരം ലഭിക്കുക. ഒക്ടോബര്‍ 31 ന് മുമ്പായി എന്‍ട്രികള്‍ അയക്കണം.
Story highlights: 25th IFFK Date
