ചലച്ചിത്രതാരം ജയപ്രകാശ് റെഡ്‌ഡി അന്തരിച്ചു

തെലുങ്ക് ചലച്ചിത്രതാരം ജയപ്രകാശ് റെഡ്‌ഡി അന്തരിച്ചു. 74 വയസായിരുന്നു. ഹൃദയാഘാതത്തെത്തുടർന്ന് ആന്ധ്രാ പ്രദേശിലെ ഗുണ്ടൂർ ജില്ലയിലെ വസതിയിലായിരുന്നു അന്ത്യം.

കോമഡി താരമായും വില്ലനായും ചലച്ചിത്ര മേഖലയിൽ തിളങ്ങിയ താരമാണ് ജയപ്രകാശ് റെഡ്‌ഡി. മഹേഷ് ബാബു പ്രധാന കഥാപാത്രത്തെ അവതരിപ്പിച്ച സരിലേരു നീകെവ്വാരു ആണ് അദ്ദേഹത്തിന്റേതായി അവസാനം വെള്ളിത്തിരയിൽ എത്തിയ അവസാന ചിത്രം. മൂന്ന് പതിറ്റാണ്ടായി വെള്ളിത്തിരയിൽ നിറസാന്നിധ്യമായിരുന്ന ജയപ്രകാശ് റെഡ്ഡി 400-ലധികം ചിത്രങ്ങളിൽ അഭിനയിച്ചിട്ടുണ്ട്.

നുവോസ്താനന്തെ നെനോദ്ദാന്താന, ധീ, കിക്ക്, ഗബ്ബാർ സിംഗ്, നായക്, റേസ് ഗുർറാം തുടങ്ങിയ ചിത്രങ്ങളിലൂടെയാണ് ഏറെ ശ്രദ്ധേയനായത്.

Story Highlights: actor and comedian jayaprakash reddy passed away