പുതിയ സ്റ്റൈലിൽ റഹ്മാൻ; രസകരമായ കമന്റുകളുമായി ആരാധകർ
തെന്നിന്ത്യ മുഴുവൻ നിരവധി ആരാധകരുള്ള താരമാണ് റഹ്മാൻ. ഒരുകാലത്ത് മലയാള സിനിമയിൽ തിളങ്ങിനിന്ന നായകനാണ് റഹ്മാൻ. ഇപ്പോഴിതാ താരം സമൂഹമാധ്യമങ്ങളിൽ പങ്കുവെച്ച ഒരു ചിത്രമാണ് ഏറെ ശ്രദ്ധിക്കപ്പെടുന്നത്. സ്‌ക്രീൻ ടെസ്റ്റ് എന്ന ഹാഷ്ടാഗിൽ റഹ്മാൻ സമൂഹമാധ്യമത്തിൽ പങ്കുവെച്ച ചിത്രത്തിൽ മുടി വളർത്തി കെട്ടി വച്ച് ചെറു പുഞ്ചിരിയുമായി ഇരിക്കുന്ന റഹ്‌മാനെയാണ് കാണുന്നത്.
നിരവധി രസകരമായ കമന്റുകളും ആരാധകർ ചിത്രത്തിന് നൽകുന്നുണ്ട്. പഴയ പോലെത്തന്നെ ഇപ്പോഴും ഇരിക്കുന്നതിന് പിന്നിലെ സൗന്ദര്യ രഹസ്യമാണ് മിക്കവരും ചോദിക്കുന്നത്, ‘ഈ വാവ ഏതാ, വീണ്ടും ചെറുപ്പമായോ, ഇപ്പോൾ ഒരു 28 വയസ്സേ തോന്നിക്കൂ ബ്രോ’ തുടങ്ങി നിരവധി കമന്റുകളാണ് ചിത്രത്തിന് ലഭിക്കുന്നത്.
‘കൂടെവിടെ’ എന്ന പത്മരാജൻ ചിത്രത്തിലൂടെ വെള്ളിത്തിരയിൽ അരങ്ങേറ്റം കുറിച്ച താരമിപ്പോൾ തെന്നിന്ത്യയിലെ സജീവ സാന്നിധ്യമാണ്. കൂടെവിടെയിലെ രവി പൂത്തൂരാൻ എന്ന കൗമാരക്കാരന്റെ വേഷത്തോടെ മലയാളത്തിൽ റഹ്മാൻ തന്റെ സ്ഥാനം ഉറപ്പിച്ചു. 1983 ലാണ് ചിത്രം റിലീസ് ചെയ്‌തത്‌. ആ വർഷത്തെ ഏറ്റവും മികച്ച സഹനടനുള്ള സംസ്ഥാന സർക്കാർ പുരസ്കാരവും രവി പുത്തൂരാനിലൂടെ റഹ്മാൻ നേടി. എൺപതുകളിൽ മലയാള സിനിമയിലെ സൂപ്പർതാരങ്ങളിൽ ഒരാളായിരുന്നു റഹ്മാൻ. തമിഴ്, തെലുങ്ക് ഭാഷകളിലേക്ക് ചുവടുമാറിയതോടെ മലയാളത്തിൽ ഇടവേള വന്നു. നൂറ്റമ്പതിലേറെ ചിത്രങ്ങളിൽ നായക-ഉപനായക വേഷങ്ങൾ ചെയ്തു.
Story Highlights:actor rahmans photo goes viral
