‘ഷമ്മിയുടെ പ്രതികാരം’; രസികന്‍ ട്രോളുമായി അജു വര്‍ഗീസ്
എന്തിലും ഏതിലും അല്‍പം നര്‍മ്മം ചേര്‍ത്ത് പറയുന്നത് ട്രോളന്മാരുടെ ശീലമാണ്. രസകരമായ ട്രോളുകള്‍ക്ക് കാഴ്ചക്കാരും ഏറെ. സിനിമാതാരങ്ങള്‍ പോലും പലപ്പോഴും രസകരമായ ട്രോളുകള്‍ പങ്കുവയ്ക്കാറുണ്ട്. ഇപ്പോഴിതാ തന്റെ പുതിയ ചിത്രമായ സാജന്‍ ബേക്കറിയുമായി ബന്ധപ്പെട്ട ഒരു ട്രോള്‍ പങ്കുവെച്ചിരിക്കുകയാണ് അജു വര്‍ഗീസ്.
മൂന്ന് ചിത്രങ്ങള്‍ കോര്‍ത്തിണക്കി തയാറാക്കിയിരിക്കുന്ന ഒരു ഫോട്ടോയും അതിനു നല്‍കിയിരിക്കുന്ന രസികന്‍ അടിക്കുറിപ്പുമാണ് ഈ ട്രോള്‍. ആദ്യ ചിത്രത്തില്‍ അജു വര്‍ഗീസും ഗ്രേസ് ആന്റണിയും നില്‍ക്കുന്നു. അടുത്ത ചിത്രത്തില്‍ ഫഹദ് ഫാസിലിന്റെ നോട്ടം. മൂന്നമാത്തെ ചിത്രമാകട്ടെ ഫ്രൈം ചെയ്തുവെച്ചിരിക്കുന്ന അജു വര്‍ഗീസിന്റെ ഫോട്ടോയും.
കുമ്പളിങ്ങി നൈറ്റ്‌സ് എന്ന ചിത്രത്തില്‍ ഫഹദ് അവതരിപ്പിച്ച ഷമ്മി എന്ന കഥാപാത്രത്തിന്റെ ഭാര്യ കഥാപാത്രമായിരുന്നു ഗ്രേസ് ആന്റണി അവതരിപ്പിച്ച സിമി. ഇപ്പോഴിതാ അജു വര്‍ഗീസ് കേന്ദ്ര കഥാപാത്രമായെത്തുന്ന സാജന്‍ ബേക്കറിയിലും ഗ്രേസ് ആന്റണി എത്തുന്നു. ഷമ്മിയുടെ പ്രതികാരം എന്നാണ് ഈ രസികന്‍ ട്രോള്‍ ചിത്രത്തിന് അജു വര്‍ഗീസ് നല്‍കിയിരിക്കുന്ന ക്യാപ്ഷന്‍.
Read more: കാക്കിയണിഞ്ഞ് തീവ്ര നോട്ടവുമായി ഷൈന്‍ ടോം ചാക്കോ; ‘ആറാം തിരുകല്‍പന’ ഒരുങ്ങുന്നു
അതേസമയം അജു വര്‍ഗീസ് പ്രധാന കഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രമാണ് ‘സാജന്‍ ബേക്കറി since 1962’ . അരുണ്‍ ചന്തു ആണ് ചിത്രത്തിന്റെ സംവിധാനം നിര്‍വഹിക്കുന്നത്. അജുവിനും ഗ്രേസ് ആന്റണിക്കും പുറമെ, ലെന, ഗണേഷ് കുമാര്‍ തുടങ്ങിയവരും ചിത്രത്തില്‍ പ്രധാന കഥാപാത്രങ്ങളായെത്തുന്നുണ്ട്. ഗ്രാമീണ പശ്ചാത്തലത്തില്‍ ഒരുങ്ങുന്ന ചിത്രത്തിലെ തോരാമഴയിലും എന്നു തുടങ്ങുന്ന ഗാനം അടുത്തിടെ പുറത്തെത്തിയിരുന്നു. മികച്ച സ്വീകാര്യതയാണ് ഈ പ്രണയഗാനത്തിന് ലഭിക്കുന്നതും.
Story highlights: Aju Varghese Self Troll
