‘ഇതെന്നെപോലെ തന്നെ ഉണ്ടല്ലോ’; കണ്ണാടിയ്ക്ക് മുന്നിൽ അമ്പരന്ന് കുഞ്ഞുവാവ, ചിരി ഉണർത്തി ഒരു വീഡിയോ
കുട്ടിക്കുരുന്നുകളുടെ കളിയും ചിരിയുമൊക്കെ കാഴ്ചക്കാരുടെ ഹൃദയം കീഴടക്കാറുണ്ട്. കുഞ്ഞുങ്ങളുടെ കളികൾ കാണാനും ഇവരുടെ കൊച്ചു വർത്തമാനങ്ങൾ കേൾക്കാനുമൊക്കെ എല്ലാവർക്കും ഇഷ്ടമാണ്. ഇത്തരം വീഡിയോകൾ സമൂഹ മാധ്യമങ്ങളിലും വൈറലാകാറുണ്ട്. ഇപ്പോഴിതാ അത്തരത്തിൽ ഒരു കുഞ്ഞുമോളുടെ ചിത്രങ്ങളും വിഡിയോകളുമാണ് സോഷ്യൽ ലോകത്തിന്റെ ഹൃദയം കവരുന്നത്.
ഷോപ്പിങ് മാളിൽ വെച്ച് വലിയ കണ്ണാടിയുടെ സ്വന്തം രൂപം കണ്ട് അത് മറ്റാരോടെ ആണെന്ന് കരുതിയിരിക്കുകയാണ് ഈ കുഞ്ഞുമിടുക്കി. ഇതാരാ എന്നെപോലെ വേറൊരാൾ എന്ന ഭാവത്തിൽ കണ്ണാടിയിൽ കാണുന്ന ആളെ തിരിഞ്ഞും മറഞ്ഞുമൊക്കെ നിന്ന് നോക്കുകയാണ് ഈ കൊച്ചുമിടുക്കി. കണ്ണാടിയിൽ കണ്ട ആളെ കണ്ടുപിടിക്കാനായി കണ്ണാടിയുടെ പുറകിലും പോയി നോക്കുന്നുണ്ട് ഈ കുട്ടിത്താരം. എന്നാൽ അവിടെ ആരെയും കാണാതിരുന്ന കുഞ്ഞ് വീണ്ടും കണ്ണാടിയ്ക്ക് മുന്നിൽ വന്ന് ഒളിഞ്ഞും തിരിഞ്ഞുമൊക്കെ നോക്കുന്നുണ്ട്.
കുരുന്നിന്റെ നിഷ്‌കളങ്കമായ ഈ പ്രവർത്തി കാഴ്ചക്കാരിൽ ചിരി ഉണർത്തും. സൈമൺ ബി ആർ എഫ് സി ഹോപ്കിൻസെന്ന ട്വിറ്റർ അക്കൗണ്ടിലാണ് 14 സെക്കൻഡ് ദൈർഘ്യമുള്ള ഈ വീഡിയോ പങ്കുവെച്ചിരിക്കുന്നത്. എന്തായാലും മികച്ച പിന്തുണയോടെ നിരവധിപ്പേർ ഏറ്റെടുത്ത് കഴിഞ്ഞു രസകരമായ ഈ വീഡിയോ.
Story Highlights: baby seeing his own face in the mirror viral video
