സുരേഷ് ഗോപിയെ കാണാൻ എത്തിയ കുട്ടിത്താരം; പഴയകാല ചിത്രം പങ്കുവെച്ച് യുവനടൻ
ചലച്ചിത്ര താരങ്ങളുടെ പഴയകാല ചിത്രങ്ങൾക്ക് കാഴ്ചക്കാർ നിരവധിയാണ്. അത്തരത്തിൽ സോഷ്യൽ മീഡിയയിൽ ഏറെ കൗതുകം ഉണർത്തുകയാണ് സുരേഷ് ഗോപിയെ കാണാൻ എത്തിയ ഒരു കുട്ടിത്താരത്തിന്റെ പഴയകാല ചിത്രം. മലയാളികളുടെ പ്രിയതാരം സൗബിൻ സാഹിർ പങ്കുവെച്ച ഈ ചിത്രം മികച്ച പ്രതികരണങ്ങളോടെ ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. ‘ഇൻ ഹരിഹർനഗർ’ എന്ന ചിത്രത്തിന്റെ ഷൂട്ടിങ് ലൊക്കേഷനിൽ വെച്ചെടുത്തതാണ് ഈ ചിത്രം. രണ്ട് കുട്ടികൾക്കൊപ്പം ഇരിക്കുന്ന സുരേഷ് ഗോപിയെ ആണ് ചിത്രത്തിൽ കാണുന്നത്. അതിൽ ഒരാൾ സൗബിൻ സാഹിറാണ്. ഇൻസ്റ്റഗ്രാം സ്റ്റോറിയിലൂടെയാണ് സൗബിൻ ഈ ചിത്രം പങ്കുവെച്ചിരിക്കുന്നത്.
സിനിമയിൽ ജൂനിയർ ആർട്ടിസ്റ്റായി എത്തിയ സൗബിനിപ്പോൾ വെള്ളിത്തിരയിൽ നിന്നും സ്ഥാനക്കയറ്റം കിട്ടിയത് മലയാളികളുടെ ഹൃദയത്തിലേക്കാണ്. നടനായും സംവിധായകനായുമൊക്കെ മലയാള സിനിമയിലെ തിരക്കുള്ള നടനായി മാറിയ താരമാണ് സൗബിൻ. സിനിമയുടെ എല്ലാ മേഖലകളിലും കൈവച്ച് കഴിവ് തെളിയിച്ച വ്യക്തി കൂടിയാണ് സൗബിൻ സാഹിർ. ‘സുഡാനി ഫ്രം നൈജീരിയ’യാണ് നായകനായി സൗബിൻ വേഷമിട്ട ആദ്യ ചിത്രം. ഈ ചിത്രത്തിലെ അഭിനയത്തിനാണ് മികച്ച നടനുള്ള സംസ്ഥാന പുരസ്‌കാരം താരത്തെത്തേടിയെത്തിയത്.
സൗബിൻ തന്നെ തിരക്കഥയെഴുതി സംവിധാനം ചെയ്ത ‘പറവ’ എന്ന ചിത്രവും സിനിമ ലോകത്തിന് പുതിയൊരു സംവിധായകനെ കൂടി. വെള്ളിത്തിരയിൽ തിരക്കുള്ള താരത്തിന്റേതായി നിരവധി ചിത്രങ്ങളാണ് ഇപ്പോൾ അണിയറയിൽ ഒരുങ്ങികൊണ്ടിരിക്കുന്നത്. ജൂതൻ, കള്ളൻ, ജാക്ക് ആൻഡ് ജിൽ, വെള്ളരിക്കാ പട്ടണം എന്നിവയാണ് സൗബിന്റെതായി വെള്ളിത്തിരയിൽ ഒരുങ്ങുന്ന ചിത്രങ്ങൾ.
Story Highlights:Childhood photo shares saubin sahir
