കള്ളനോട്ടവും പുഞ്ചിരിയും പിന്നൊരു മുത്തവും; സമൂഹമാധ്യമങ്ങളിൽ വൈറലായി ഒരു ക്യൂട്ട് വീഡിയോ

ചില ചിത്രങ്ങളും വീഡിയോകളുമൊക്കെ അങ്ങനെയാണ് ആദ്യകാഴ്ചയിൽ തന്നെ മനം കവരും. അത്തരത്തിൽ കാഴ്ചകാരുടെ മുഴുവൻ മനം കവരുകയാണ് ഒരു ക്യൂട്ട് വീഡിയോ. ഒരു ബസിൽ ഇരിക്കുന്ന പെൺകുട്ടിയും പിന്നിലത്തെ സീറ്റിൽ ഇരിക്കുന്ന ഒരു കുഞ്ഞുമകനുമാണ് വീഡിയോയിലൂടെ കാഴ്ചക്കാരുടെ മനം നിറയ്ക്കുന്നത്. മുന്നിലിരിക്കുന്ന പെൺകുട്ടി സെൽഫി വിഡിയോയിലൂടെ ഈ കുഞ്ഞുമകനെ നോക്കി ചിരിക്കുന്നത് ആദ്യം വിഡിയോയിൽ കാണാം. എന്നാൽ ആദ്യം പെൺകുട്ടിയെ മൈൻഡ് ആക്കാതിരിക്കുകയാണ് ഈ കുഞ്ഞുമോൻ.

കുറച്ച് സമയത്തിന് ശേഷം ഒരു കള്ളനോട്ടവും പിന്നാലെ ഒരു ചിരിയും പാസാക്കുന്നുണ്ട് ഈ കൊച്ചുമിടുക്കൻ. തുടർന്ന് പെൺകുട്ടി ചിരിക്കുന്നതിന് അനുസരിച്ച് കുഞ്ഞുമോന്റെ മുഖത്ത് നാണം വിരിയുന്നതും അവസാനം രണ്ട് പേരും മുത്തം നൽകുന്നതുമാണ് വീഡിയോയിൽ കാണുന്നത്. എന്തായാലും ഒരുതവണ കണ്ടാൽ വീണ്ടും വീണ്ടും കാണാൻ തോന്നും ഇരുവരുടെയും പുഞ്ചിരി. സമൂഹ മാധ്യമങ്ങളിൽ പങ്കുവയ്ക്കപ്പെട്ട ഈ വീഡിയോ ഇതിനോടകം നിരവധി പേർ ഏറ്റെടുത്തുകഴിഞ്ഞു. മികച്ച പ്രതികരണമാണ് ഈ വീഡിയോയ്ക്ക് ലഭിച്ചുകൊണ്ടിരിക്കുന്നതും.

Read also: സംഗീതസംവിധാനം വിനീത് ശ്രീനിവാസന്‍, ആലാപനം ഭാര്യ ദിവ്യയും

ഒരു ചെറു മന്ദഹാസം ചിലപ്പോൾ വലിയ സന്തോഷങ്ങൾക്ക് കാരണമായേക്കാം എന്ന് പറയുന്നത് വെറുതെയല്ല എന്ന് കൂടി ഓർമ്മിപ്പിക്കുകയാണ് ഈ കൊച്ചു വീഡിയോ. എന്തായാലും സമൂഹ മാധ്യമങ്ങളിൽ പങ്കുവെയ്ക്കപ്പെട്ട ഈ സ്നേഹ വീഡിയോയ്ക്ക് നിറഞ്ഞ പിന്തുണയാണ് ലഭിക്കുന്നതും. കാഴ്ചക്കാരുടെ ഹൃദയം നിറയ്ക്കുകയാണ് ഈ കുഞ്ഞുമോനും പെൺകുട്ടിയും. അതേസമയം ലോകം ഇന്ന് വലിയ പ്രതിസന്ധി ഘട്ടങ്ങളിലൂടെ കടന്നുപോകുമ്പോൾ ഇത്തരം സ്നേഹ വീഡിയോകൾ മനസിന് ഒരുപാട് ആശ്വാസം നൽകുമെന്ന് അഭിപ്രായം പറയുന്നവരും നിരവധിയാണ്.

Story Highlights: Cute video of girl and kid