തെലങ്കാന സംഭവം പറയുന്ന ചിത്രം ‘ദിശാ എൻകൗണ്ടർ’ വരുന്നു; ട്രെയ്‌ലർ
ഇന്ത്യ മുഴുവൻ ഞെട്ടലോടെ കേട്ടതായിരുന്നു തെലങ്കാനയിൽ വെറ്റിനറി ഡോക്ടറെ പീഡിപ്പിച്ച് കൊന്ന സംഭവം. അതിനെത്തുടർന്ന് രാജ്യത്ത് ഉണ്ടായ പ്രതിഷേധവും തൊട്ടു പിന്നാലെ പ്രതികൾ കൊല്ലപ്പെട്ട സംഭവവുമൊക്കെ രാജ്യത്ത് ഏറെ ചർച്ചയായിരുന്നു. ഈ സംഭവത്തെ ആസ്‍പദമാക്കി ചിത്രം ഒരുങ്ങുന്നുവെന്ന വാർത്ത സോഷ്യൽ മീഡിയയും വൈറലായിരുന്നു. ഇപ്പോഴിതാ ഏറെ ശ്രദ്ധ നേടുകയാണ് ചിത്രത്തിന്റെ ട്രെയ്‌ലർ.
ദിശാ എൻകൗണ്ടർ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് ആനന്ദ് ചന്ദ്രയാണ്. ചിത്രം നിർമിക്കുന്നത് സംവിധായകനും നിർമാതാവുമായ റാം ഗോപാൽ വർമ്മയാണ്. ശ്രീകാന്ത്, സോണിയ, പ്രവീൺ എന്നിവരാണ് ചിത്രത്തിൽ പ്രധാന കഥാപാത്രങ്ങളാകുന്നത്. സംഗീതം ഡിഎസ്‍ആർ. ഒടിടി വെബ്സൈറ്റ് ആയ ആർജിവി വേൾഡ് ശ്രേയാസ് ആപ്പ് വഴിയാണ് സിനിമയുടെ റിലീസ്.
2019 നവംബർ 28നാണ് രാജ്യത്തെ നടുക്കിയ സംഭവം നടന്നത്. ഷംഷാബാദിൽ യുവ വനിതാ വെറ്ററിനറി ഡോക്ടറെ നാല് പേർ തട്ടിക്കൊണ്ടുപോയി പീഡിപ്പിച്ചു കൊല്ലുകയായിരുന്നു.
Read also:ഫോറൻസിക്കിലെ ആ അപകടരംഗങ്ങളുടെ ചിത്രീകരണത്തിന് പിന്നിൽ; ശ്രദ്ധനേടി മേക്കിങ് വീഡിയോ
Story Highlights: Disha Encounter Official Trailer
