പോക്കറ്റടി തലവനായി ഇമ്രാൻ ഹാഷ്മി; ഹറാമി ട്രെയ്‌ലർ
അഭിനയമികവുകൊണ്ടും കഥാപാത്രങ്ങളിലെ വിത്യസ്ഥതകൊണ്ടും ഏറെ ആരാധകരെ സൃഷിടിച്ചിട്ടുള്ള താരമാണ് ഇമ്രാന്‍ ഹാഷ്മി. താരം തികച്ചും വിത്യസ്ഥ കഥാപാത്രമായെത്തുന്ന പുതിയ ചിത്രമാണ് ‘ഹറാമി’. ഇപ്പോഴിതാ സിനിമ പ്രേമികൾക്കിടയിൽ ശ്രദ്ധ നേടുകയാണ് താരം മുഖ്യകഥാപാത്രത്തെ അവതരിപ്പിക്കുന്ന ചിത്രത്തിന്റെ ട്രെയ്‌ലർ. ചിത്രത്തിൽ പോക്കറ്റടിക്കാരുടെ തലവനായാണ് ഇമ്രാൻ ഹാഷ്മി വേഷമിടുന്നത്.
ശ്യാം മദിരാജു ആണ് ‘ഹറാമി’യുടെ രചനയും സംവിധാനവും നിര്‍വഹിച്ചിരിക്കുന്നത്. സെപ്റ്റംബര്‍ ആദ്യമാണ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത് വന്നത്. സോഷ്യല്‍ മീഡിയയിലൂടെ ഇമ്രാന്‍ ഹാഷ്മി തന്നെയാണ് ഫസ്റ്റ് ലുക്ക് പേസ്റ്റര്‍ ഷെയര്‍ ചെയ്തത്. ഇപ്പോഴിതാ ഏറെ ശ്രദ്ധ നേടുകയാണ് ചിത്രത്തിന്റെ ട്രെയ്‌ലറും. ഇമ്രാൻ ഹാഷ്മിക്കൊപ്പം ഒരു കൂട്ടം ചെറുപ്പക്കാരും ഒന്നിക്കുന്ന ചിത്രമാണ് ഹറാമി.
Read also: മലയാളം സിനിമയ്ക്ക് സംഗീതം ഒരുക്കാൻ ഹോളിവുഡിൽ നിന്നും ഇവാൻസ് എത്തുന്നു; ഹൊറർ ചിത്രം ഉടൻ
മുംബൈ നഗരത്തില്‍ ഒരു മോഷണ സംഘത്തിലകപ്പെട്ട ചെറുപ്പക്കാരന്റെ ജീവിതമാണ് ചിത്രത്തിന്റെ പ്രമേയം. ഒരിക്കൽ താൻ പോക്കറ്റടിച്ച ഒരു വ്യക്തിയെ ഈ ചെറുപ്പക്കാരൻ പിന്തുടരുന്നതിലൂടെയാണ് കഥ നീങ്ങുന്നത്. അയാളുടെ മകളുടെ വിവാഹത്തിനായി സൂക്ഷിച്ച പണമാണ് മോഷണം പോകുന്നത്, പണം നഷ്ടപെട്ട വിഷമത്തിൽ അയാൾ ആത്മഹത്യ ചെയ്യുന്നു. ഈ സംഭവം ഈ ചെറുപ്പക്കാരനെ വല്ലാതെ വിഷമത്തിലാക്കുന്നു. ഇതോടെ മോഷണം നിർത്താൻ ആലോചിക്കുന്നതും തുടർന്നുണ്ടാകുന്ന പ്രശ്നങ്ങളിലൂടെയുമാണ് കഥ വികസിക്കുന്നത്.
അതേസമയം ഒക്ടോബറില്‍ നടക്കുന്ന ബുസാന്‍ അന്താരാഷ്ട്ര ചലച്ചിത്ര മേളയില്‍ ‘ഹറാമി’ പ്രദര്‍ശിപ്പിക്കുമെന്നാണ് സൂചന.
Story Highlights: Emraan Hashmi Haram Official trailer
