സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 4538 പേര്‍ക്ക്; 3997 പേര്‍ക്ക് സമ്പര്‍ക്കത്തിലൂടെ രോഗം
സംസ്ഥാനത്ത് കൊവിഡ് വല്യാപനം രൂക്ഷമായി തുടരുകയാണെന്ന് മുഖ്യമന്ത്രി പിണറായി വിജയന്‍. കൊവിഡ് അവലോകന യോഗത്തിനു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. കഴിഞ്ഞ ഒരാഴ്ചയായി രോഗ വ്യാപനത്തില്‍ റെക്കോര്‍ഡ് വര്‍ധനവാണ് ഉണ്ടായിരിക്കുന്നതെന്നും മുഖ്യമന്ത്രി കൂട്ടിച്ചേര്‍ത്തു.
സംസ്ഥാനത്ത് ഇന്ന് 4538 പേര്‍ക്കു കൂടി കൊവിഡ് സ്ഥിരീകരിച്ചു. 3997 പേര്‍ക്ക് സമ്പര്‍ക്കത്തിലൂടെയാണ് രോഗം പടര്‍ന്നത്. ഇവരില്‍ 249 പേരുടെ രോഗ ഉറവിടം വ്യക്തമല്ല. 67 ആരോഗ്യ പ്രവര്‍ത്തകര്‍ക്കും ഇന്ന് രോഗം സ്ഥിരീകരിച്ചിട്ടുണ്ട്.
സംസ്ഥാനത്ത് ഇതുവരെ 1,79,992 പേര്‍ക്ക് കൊവിഡ് സ്ഥിരീകരിച്ചു. ഇവരില്‍ 57879 പേര്‍ നിലവില്‍ ചികിത്സയില്‍ കഴിയുന്നുണ്ട്. അതേസമയം കൊവിഡ് രോഗത്തിന് ചികിത്സയിലായിരുന്ന 3347 പേരുടെ പരിശോധനാ ഫലം ഇന്ന് നെഗറ്റീവായി.
ഇന്ന് രോഗം ബാധിച്ചവരുടെ ജില്ലതിരിച്ചുള്ള കണക്ക്
കോഴിക്കോട് -918
എറണാകുളം -537
തിരുവനന്തപുരം -486
മലപ്പുറം -405
തൃശൂര്‍ -383
പാലക്കാട് -378
കൊല്ലം -341
കണ്ണൂര്‍ -310
ആലപ്പുഴ -249
കോട്ടയം -213
കാസര്‍ഗോഡ് -122
ഇടുക്കി -114
വയനാട് -44
പത്തനംതിട്ട -38
Story highlights: Kerala Latest Covid 19 Updates Press Meet
