അഭിനയം എന്നൊക്കെ പറഞ്ഞാല്‍ ദേ ഇതാണ്; കുഞ്ഞാവയുടെ രസികന്‍ പ്രാങ്ക്
പ്രാങ്ക് വീഡിയോകള്‍ ഇടയ്ക്കിടെ സമൂഹമാധ്യമങ്ങളില്‍ പ്രത്യക്ഷപ്പെടാറുണ്ട്. രസകരങ്ങളായ ഇത്തരം പറ്റിക്കല്‍ വീഡിയോകള്‍ക്ക് കാഴ്ചക്കാരും ഏറെയാണ്. സൈബര്‍ ഇടങ്ങളില്‍ ശ്രദ്ധ നേടുകയാണ് ഒരു കുഞ്ഞുവാവയുടെ പറ്റിക്കല്‍ വീഡിയോ.
പ്രാങ്ക് വീഡിയോയെ കുറിച്ച് വല്യ ധാരണ ഒന്നും ഇല്ലെങ്കിലും ഈ കുഞ്ഞുവാവ ആളൊരു മിടുക്കിയാണ്. കാരണം ആരും വിശ്വസിച്ചുപോകുന്ന തരത്തിലാണ് കുഞ്ഞാവയുടെ അഭിനയം.
Read more: ചില ചേര്‍ത്തുനിര്‍ത്തലുകള്‍ ആരും ആഗ്രഹിച്ചു പോകും; ഹൃദ്യം ഈ വീഡിയോ
ഇനി പ്രാങ്കിനെക്കുറിച്ച്… തന്റെ സമീപത്തുള്ള ഒരു വാട്ടര്‍ ജാറില്‍ കൈ ഇറക്കി വെച്ചിരിക്കുകയാണ് കുഞ്ഞാവ. മുഖത്താണെങ്കിലോ കരയുന്ന ഭാവവും. എന്നാല്‍ മറ്റൊരാള്‍ വന്ന് ഈ മിടുക്കിയുടെ കൈ ജാറില്‍ നിന്നും ഉയര്‍ത്തുന്നു. അപ്പോഴാകട്ടെ ഒരു കുസൃതി ചിരിയും. വീണ്ടും കൈ ജാറിലേക്ക് സ്വയമിട്ട് സങ്കടഭാവം മുഖത്ത് വരുത്തുകയാണ് ഈ കുഞ്ഞാവ.
എന്തായാലും വീഡിയോ ഇതിനോടകം തന്നെ സമൂഹമാധ്യമങ്ങളില്‍ വൈറലായി. നിരവധിപ്പേരാണ് രസകരമായ ഈ വീഡിയോ പങ്കുവയ്ക്കുന്നതും. കുഞ്ഞുവാവയുടെ എക്‌സ്പ്രഷനെ അഭിനന്ദിക്കുന്നവരും ഏറെയാണ്.
Story highlights: Little girl pranks family by putting hand in water jug
