കാടിന്റെ നടുവില്‍ വിസ്മയങ്ങളൊരുക്കുന്ന പുസ്തകശാല
നല്ലൊരു ലൈബ്രറിയിലിരുന്ന് പുസ്തങ്ങള്‍ വായിക്കാന്‍ ഇഷ്ടപ്പെടുന്നര്‍ നിരവധിയാണ്. ഇത്തരക്കാര്‍ക്ക് പറ്റിയ ഒരിടമുണ്ട്. ചൈനയിലെ ബെയ്ജിങിലുള്ള ലിയുവാന്‍ പുസ്തകശാല. ചുറ്റും കാടാണെങ്കിലും അത്ര നിസാരമാക്കേണ്ട ഈ ലൈബ്രറിയെ. ഒന്നു കയറിയാല്‍ ആരും ഒരു പുസ്തകമെടുത്തു വായിച്ചുപോകും.
മരച്ചില്ലകള്‍ക്കൊണ്ടാണ് വായനശാല അലങ്കരിച്ചിരിക്കുന്നത്. വായനക്കാര്‍ക്കായി പ്രത്യേക ഇരിപ്പിടങ്ങളൊന്നും സജ്ജമാക്കിയിട്ടില്ല എന്നതാണ് മറ്റൊരു ആകര്‍ഷണം. തറയിലോ മറ്റിടങ്ങളിലോ ഒക്കെയായി ഇഷ്ടാനുസരണം ഇരുന്ന് പുസ്തകം വായിക്കാം. ഒരുപാട് ആളുകള്‍ക്ക് ഒരേ സമയം ലൈബ്രറിയില്‍ പ്രവേശനമില്ല. അതുകൊണ്ടുതന്നെ ബഹളങ്ങളൊ മറ്റ് അസൗകര്യങ്ങളോ ഒന്നുമില്ലാതെ വായനയില്‍ ലയിക്കാം.
അത്ര എളുപ്പത്തില്‍ ഈ ലൈബ്രറിയിലേക്ക് എത്തിപ്പെടാനും സാധിക്കില്ല. ലൈബ്രറിക്കു ചുറ്റും പാറക്കെട്ടുകള്‍ നിറഞ്ഞ കുന്നിന്‍ ചെരുവുകളാണ്. ഒരു അരവിക്കു നടുവിലൂടെയുള്ള പാലത്തിലൂടെ കടന്നുവേണം ലൈബ്രറിയിലെത്താന്‍. ലൈബ്രറിയിലേക്കുള്ള യാത്രപോലും കൗതുകക്കാഴ്ചകള്‍ സമ്മാനിക്കുന്ന ഒന്നാണെന്ന് ചുരുക്കം.
തടിയില്‍ നിര്‍മ്മിച്ചതിനാല്‍ വായനശാലയുടെ അകത്തും ആരെയും ആകര്‍ഷിക്കുന്ന ഒരു അന്തരീക്ഷം തന്നെയാണ്. ചില്ലും സ്റ്റീലുമുപയോഗിച്ചാണ് ലൈബ്രറിയുടെ അടിത്തറ ഒരുക്കിയിരിക്കുന്നത്.
Story highlights: Liyuan Library Special Story
