പാ രഞ്ജിത്തിന്റെ നിർമ്മാണത്തിൽ ‘കുതിരവാൽ’ ഒരുങ്ങുന്നു; ഫസ്റ്റ് ലുക്ക്
സൂപ്പർ ഹിറ്റ് സംവിധായകൻ പാ രഞ്ജിത്ത് നിർമ്മിക്കുന്ന ഏറ്റവുമ പുതിയ ചിത്രമാണ് കുതിരവാൽ. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടിരിക്കുകയാണ് അണിയറപ്രവർത്തകർ. കലൈയരശൻ പ്രധാന കഥാപാത്രമായി എത്തുന്ന ചിത്രം സംവിധാനം ചെയ്യുന്നത് മനോജ് ലിയോണൽ ജാസണും ശ്യാം സുന്ദറുമാണ്.അഞ്ജലി പാട്ടീലാണ് നായികയായി വേഷമിടുന്നത്. 2018 ൽ പുറത്തിറങ്ങിയ പരിയേരും പെരുമാൾ എന്ന ചിത്രത്തിലൂടെയാണ് പാ രഞ്ജിത്ത് നിർമ്മാണത്തിലേക്ക് ചുവടുവെച്ചത്.
2012-ൽ പുറത്തിറങ്ങിയ കോമഡി ചലച്ചിത്രമായ അട്ടക്കത്തി ആയിരുന്നു സംവിധാനം ചെയ്ത് പുറത്തിറങ്ങിയ ആദ്യത്തെ ചലച്ചിത്രം. കബാലി, കാലാ തുടങ്ങിയ സിനിമകളിലൂടെ സൂപ്പർ ഹിറ്റ് സംവിധായകനായി പേരെടുത്ത പാ രഞ്ജിത്ത് ഹിന്ദിയിലും ഇപ്പോൾ സജീവമാകുകയാണ്. മാജിദ് മജീദിയുടെ ‘ബിയോണ്ട് ദി ക്ലൗഡ്‌സ്’ നിർമ്മിച്ച ശരീൻ മാട്രി കെടിഎ, കിഷോർ അറോറ എന്നിവരാണ് പാ രഞ്ജിത്തിന്റെ പുതിയ ചിത്രം നിർമ്മാണം.
പ്രശസ്‌ത ആദിവാസി സ്വതന്ത്ര സമര നേതാവ് ബിർസ മുണ്ടയുടെ ജീവിതം പറയുന്ന ചിത്രവും പാ രഞ്ജിത്ത് സംവിധാനം ചെയ്യുന്നതാണ്. ബ്രിട്ടീഷുകാർക്കെതിരെ ഇന്ത്യയുടെ സ്വതന്ത്ര സമരത്തിൽ നിർണായക പങ്ക് വഹിച്ച ബിർസ മുണ്ടയുടെ ജീവിതം അതെ തീക്ഷ്ണതയോടെ പ്രേക്ഷകർക്ക് മുന്നിലെത്തിക്കുന്ന ചിത്രമാണിത്..
Story Highlights : pa ranjith kuthiraivaal movie first look
