കുഞ്ഞു വിവിക്തയെത്തേടി സാക്ഷാൽ റാഫേൽ നദാൽ; അഭിമാനം ഈ അഭിനന്ദനം

പേരൂർക്കട സ്വദേശിയായ വിവിക്ത വൈശാഖ് എന്ന കുഞ്ഞുമിടുക്കിയെത്തേടിയെത്തിയ അഭിനന്ദനമാണ് ഇപ്പോൾ കേരളക്കരയ്ക്ക് മുഴുവൻ അഭിമാനമായി മാറിയത്. വിവിക്ത എന്ന അഞ്ചു വയസുകാരിയെ അഭിനന്ദിച്ചതു സാക്ഷാൽ റാഫേൽ നദാലാണ്. ഈ കൊച്ചു മിടുക്കിയുടെ ടെന്നീസ് മികവ് കണ്ടാണ് അഭിന്ദനവുമായി സാക്ഷാൽ നദാൽ എത്തിയത്.

റാഫേൽ നദാൽ ബ്രാൻഡ് അംബാസഡറായ കിയ മോട്ടോഴ്സ് രാജ്യാന്തര തലത്തിൽ നടത്തിയ ടാലന്റ് ഹണ്ടിലൂടെ തിരഞ്ഞെടുക്കപ്പെട്ട അഞ്ചിൽ ഒരാളാണ് വിവിക്ത വൈശാഖ്. അതേസമയം ടാലന്റ് ഹണ്ടിൽ പങ്കെടുക്കാതെത്തന്നെ തിരഞ്ഞെടുക്കപ്പെട്ടത്തിന്റെ സന്തോഷത്തിലാണ് ഈ കൊച്ചുമിടുക്കിയും കുടുംബവും. മുൻ സംസ്ഥാന ജൂനിയർ ടെന്നിസ് ചാംപ്യനും പരിശീലകനുമായ വി എസ് വിശാഖിന്റെയും സുചിത്രയുടെയും മകളാണ് വിവിക്ത. രണ്ടാം വയസ് മുതൽ അച്ഛന്റെ കീഴിൽ പരിശീലനം ആരംഭിച്ചതാണ് ഈ കുഞ്ഞുമിടുക്കി.

Read also: ജീവിതത്തിലെ ഏറ്റവും പ്രിയപ്പെട്ട ആൾക്ക് പിറന്നാൾ ആശംസകൾ നേർന്ന് അല്ലു അർജുൻ; വീഡിയോ

ടെന്നിസ് പ്രാക്ടീസ് ചെയ്യുന്ന വിവിക്തയുടെ വിഡിയോകളും ചിത്രങ്ങളും മാതാപിതാക്കൾ ഇൻസ്റ്റഗ്രാം അക്കൗണ്ടിൽ പോസ്റ്റ് ചെയ്യാറുണ്ടായിരുന്നു. ഈ വിഡിയോകളിൽ ഒന്ന് കണ്ടാൽ ഈ കൊച്ചുമിടുക്കിയെ ടാലന്റ് ഹണ്ടിലൂടെ തിരഞ്ഞെടുക്കപ്പെട്ടത്. അതേസമയം ഈ കുഞ്ഞുപ്രായത്തിൽ തന്നെ ടെന്നീസിൽ ഇത്രമാത്രം മികവ് പുലർത്തുന്ന വിവിക്തയ്ക്ക് അഭിനന്ദനങ്ങൾ നേർന്നതിനൊപ്പം ഇതിനുള്ള പ്രോത്സാഹനമായി ഒരു സമ്മാനം കൂടി അയക്കുന്നുണ്ടെന്നും റാഫേൽ നദാലിന്റെ സന്ദേശത്തിൽ പറയുന്നുണ്ട്.

Story Highlights: rafael nadal appreciates five year old viviktha