മാറ്റങ്ങളില്ലാതെ ഇരു ടീമുകളും; ആദ്യം ബാറ്റ് ചെയ്യുന്നത് കൊല്‍ക്കത്ത
ടീമില്‍ മാറ്റങ്ങളില്ലാതെയാണ് ഐപിഎല്‍ -ല്‍ കൊല്‍ക്കത്ത നെറ്റ്‌റൈഡേഴ്‌സും രാജസ്ഥാന്‍ റോയല്‍സും ഇന്ന് കളത്തിലിറങ്ങുന്നത്. രാജസ്ഥാന്‍ റോയല്‍സ് ആണ് ടോസ് നേടിയത്. ക്യാപ്റ്റന്‍ സ്റ്റീവ് സ്മിത്ത് ഫീല്‍ഡിങ് തെരഞ്ഞെടുത്തു.
ദുബായ് രാജ്യാന്തര ക്രിക്കറ്റ് സ്റ്റേഡിയത്തിലാണ് മത്സരം. ഇരു ടീമുകള്‍ക്കും ഈ സ്റ്റേഡിയത്തില്‍ ഇത് ആദ്യ മത്സരമാണ് എന്നതാണ് വേറൊരു കൗതുകം. മലയാളി താരമായ സഞ്ജു സാംസണ്‍ അടങ്ങുന്ന രാജസ്ഥാന്‍ റോയല്‍സ് ബ്റ്റ്‌സ്മാന്‍മാരെ പിന്തുണയ്ക്കുന്ന ചെറിയ ബൗണ്ടറികളുള്ള ഷാര്‍ജ സ്റ്റേഡിയത്തില്‍ നിന്നും ഇന്ന് കളം മാറുകയാണ്. ഐപിഎല്‍ പതിമൂന്നാം സീസണിലെ രാജസ്ഥാന്‍ റോയല്‍സിന്റെ മുന്നേറ്റത്തെക്കുറിച്ചുള്ള സൂചനകളും ഈ മത്സരം നല്‍കും.
അതേസമയം കരുത്തരായ കൊല്‍ക്കത്ത നൈറ്റ്‌റൈഡേഴ്‌സിന്റെ ആദ്യ രണ്ട് മത്സരങ്ങളും അബുദാബിയില്‍ ആയിരുന്നു. ആദ്യ മത്സരത്തില്‍ മുംബൈ ഇന്ത്യന്‍സിനോട് പരാജയപ്പെട്ടെങ്കിലും രണ്ടാം അങ്കത്തില്‍ സണ്‍റൈസേഴ്‌സ് ഹൈദരബാദിനെതിരെ കൊല്‍ക്കത്ത വിജയം നേടിയിരുന്നു.
Story Highlights: Rajasthan Royals vs Kolkata Knight Riders
