നിസാരം; റിയാസ് ഖാന്റെ സിക്സ് പാക്ക് കണ്ട് ഞെട്ടി ആരാധകർ
കഴിഞ്ഞ കുറച്ച് നാളുകളായി ചലച്ചിത്ര താരങ്ങളുടെ ഫിറ്റ്നസും വർക്ക് ഔട്ടുമൊക്കെയാണ് സമൂഹ മാധ്യമങ്ങളിൽ വാർത്തയാകുന്നത്. അത്തരത്തിൽ ഫിറ്റ്നസിന് വളരെയേറെ പ്രധാന്യം നൽകുന്ന നടനാണ് റിയാസ് ഖാൻ. സിക്സ് പാക്കിലുള്ള റിയാസ് ഖാന്റെ ചിത്രങ്ങളാണ് ഇപ്പോൾ സമൂഹ മാധ്യമങ്ങളിൽ വെെറലാകുന്നത്. വർക്ക് ഔട്ട് ചെയ്യുന്ന വീഡിയോ റിയാസ് ഖാൻ തന്നെയാണ് ഇൻസ്റ്റഗ്രാമിൽ പങ്കുവെച്ചിരിക്കുന്നതും.
അടുത്തിടെ മലയാളം ചലച്ചിത്ര താരം ടൊവിനോ തോമസും പിതാവും ഒന്നിച്ച് വർക്ക് ഔട്ട് ചെയ്യുന്നതിന്റെ ചിത്രങ്ങളും സോഷ്യൽ ലോകത്ത് വൈറലായിരുന്നു. മകനൊപ്പം വീട്ടിലെ ജിമ്മില്‍ വർക്ക് ഔട്ട് ചെയ്യുന്ന ടൊവിനോയുടെ പിതാവിനും മികച്ച പ്രശംസകൾ ലഭിച്ചിരുന്നു. സിനിമ താരം പൃഥ്വിരാജ് സുകുമാരൻ ഉൾപ്പെടെ ഈ ചിത്രത്തെ പ്രശംസിച്ചുകൊണ്ട് രംഗത്തെത്തിയിരുന്നു.
അതേസമയം വർക്ക് ഔട്ട് ചെയ്യുന്ന അനില്‍ കപൂറിന്റെ ചിത്രങ്ങളും വീഡിയോയും കഴിഞ്ഞ ദിവസം സമൂഹ മാധ്യമങ്ങളിൽ വൈറലായിരുന്നു. വളരെ അനായാസമാണ് അറുപത്തി മൂന്നുകാരനായ അനിൽ കപൂർ കാലുകൊണ്ടുള്ള ഈ വർക്ക് ഔട്ട് ചെയ്യുന്നത്. വർക്ക് ഔട്ട് ചിത്രങ്ങളും വീഡിയോകളും താരം ആരാധകര്‍ക്കായി ഇടയ്ക്കിടെ പങ്കുവയ്ക്കാറുമുണ്ട്. ഇത്തരത്തിൽ ചലച്ചിത്ര മേഖലയിലെ മിക്ക താരങ്ങളും അവരുടെ ഫിറ്റ്നസ് കാത്ത് സൂക്ഷിക്കുന്നതിനായി വ്യായാമങ്ങൾ ചെയ്യാറുണ്ട്.
Story Highlights: riyaz khan six pack and workout video
